Sa žniŭnia 2019 hodu ad vypłaty padachodnaha padatku vyzvalajucca ludzi, maładziejšyja za 26 hadoŭ. Adpaviednaje pałažeńnie za try miesiacy da vybaraŭ pryniaŭ urad Polščy, paviedamlaje Deutsche Welle.
Kirujučaja partyja «Prava i spraviadlivaść» (PiS) spadziajecca, što novaje stanovišča pavialičyć ŭzrovień zaniataści siarod moładzi i praduchilić nielehalnuju pracu. Akramia ŭzrostu, umovaj dla vyzvaleńnia ad padatkaŭ źjaŭlajecca hadavy zarobak u pamiery, jaki nie pieravyšaje 20 tys. jeŭra ŭ ekvivalencie. Zakon nie raspaŭsiudžvajecca na zasnavalnikaŭ kampanij.
Ciapier ža kali hadavy dachod składaje mizernuju sumu, jakaja nie pieravyšaje 3091 złotych, dziaržava nie spahaniaje padatku. Kali asoba maje hadavy dachod u pamiery, jaki nie praŭzychodzić 85528 złotych, padatak składaje 18%. Tym, chto ŭ hod atrymlivaje bolš za nazvanuju sumu, z ŭsiaho, što zvyš jaje, treba płacić 32%.
Pa źviestkach polskaha ŭrada, dziejańnie padatkovaj lhoty adčujuć na sabie kala dvuch miljonaŭ čałaviek. Ekanamičnyja ekśpierty spadziajucca, što jana taksama pryciahnie na polski rynak moładź z Ukrainy, što dapamoža vyrašyć pytańnie ź niedachopam u Polščy kvalifikavanych rabotnikaŭ. U 2018 hodzie maksimalnaja kolkaść dazvołaŭ na pracu zamiežnym hramadzianam było vydadziena mienavita hramadzianam Ukrainy (73%).
Niekatoryja ekanamisty skieptyčna reahujuć na rašeńnie ŭvieści padatkovuju lhotu dla moładzi, ličačy heta parušeńniem zamacavanaha ŭ kanstytucyi krainy pryncypu roŭnaści. Apazicyja abvinavačvaje ŭłady ŭ tym, što z dapamohaj ščodrych sacyjalnych prahram jany spadziajucca zavajavać hałasy na parłamienckich vybarach, jakija projduć u krainie vosieńniu. Akramia padatkovaj lhoty PiS taksama pavialičyŭ dziciačyja dapamohi i pamier piensij.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie6
Kamientary