Kyrhyzstan vykazaŭ pratest Biełarusi z-za sustrečy Alaksandra Łukašenki sa zrynutym kirhizskim prezidentam Kurmanbiekam Bakijevym, jakaja adbyłasia ŭ Minsku. Pra heta paviedamiła ŭ sieradu pres-słužba źniešniepalityčnaha viedamstva Kyrhyzstana.
Łukašenka sustreŭsia z Bakijevym i paraŭnaŭ jaho z ptuškaj
U MZS byŭ vyklikany časovy pavierany ŭ spravach pavolstva Biełarusi. Jamu ŭručyli notu, u jakoj vykazany pratest praciahu aficyjnych publičnych kantaktaŭ z asudžanaj ŭ Kyrhyzskaj Respublicy asobaj», - havorycca ŭ paviedamleńni.
«Kyrhyzski bok ličyć kateharyčna niedapuščalnym vykarystańnie ŭ časie hetaj sustrečy dziaržaŭnaj simvoliki Kyrhyzskaj Respubliki i zhadvańnie kyrhyska-biełaruskaj družby, što ŭ korani nie adpaviadaje pryncypam družby i supracoŭnictva pamiž dźviuma dziaržavami», - padkreślili ŭ MZS.
Bakijeŭ uznačalvaŭ Kirhiziju z 2005 pa 2010 hod. Jon byŭ zrynuty narodnaj revalucyjaj 7 krasaviku 2010 hoda. Tady ŭ vyniku procistajańnia byli zabityja amal 80 pradstaŭnikoŭ apazicyi i niekalki sotniaŭ atrymali ranieńni.
Bakijeŭ uciok z Kyrhyzstana, žyvie ŭ Biełarusi. Na radzimie jaho prysudzili da 25 hadoŭ pazbaŭleńnia voli z kanfiskacyjaj majomaści. Heta maksimalny termin, praduhledžany kyrhyzskim zakanadaŭstvam.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary