Кыргызстан выказаў пратэст Беларусі з-за сустрэчы Аляксандра Лукашэнкі са зрынутым кіргізскім прэзідэнтам Курманбекам Бакіевым, якая адбылася ў Мінску. Пра гэта паведаміла ў сераду прэс-служба знешнепалітычнага ведамства Кыргызстана.
Лукашэнка сустрэўся з Бакіевым і параўнаў яго з птушкай
У МЗС быў выкліканы часовы павераны ў справах павольства Беларусі. Яму ўручылі ноту, у якой выказаны пратэст працягу афіцыйных публічных кантактаў з асуджанай ў Кыргызскай Рэспубліцы асобай», - гаворыцца ў паведамленні.
«Кыргызскі бок лічыць катэгарычна недапушчальным выкарыстанне ў часе гэтай сустрэчы дзяржаўнай сімволікі Кыргызскай Рэспублікі і згадванне кыргыска-беларускай дружбы, што ў корані не адпавядае прынцыпам дружбы і супрацоўніцтва паміж дзвюма дзяржавамі», - падкрэслілі ў МЗС.
Бакіеў узначальваў Кіргізію з 2005 па 2010 год. Ён быў зрынуты народнай рэвалюцыяй 7 красавіку 2010 года. Тады ў выніку процістаяння былі забітыя амаль 80 прадстаўнікоў апазіцыі і некалькі сотняў атрымалі раненні.
Бакіеў уцёк з Кыргызстана, жыве ў Беларусі. На радзіме яго прысудзілі да 25 гадоў пазбаўлення волі з канфіскацыяй маёмасці. Гэта максімальны тэрмін, прадугледжаны кыргызскім заканадаўствам.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары