«Mienš za $300 nikoli nie brała». Madeli niu raskazali pra zarobki i ekstremalnyja fotasiesii
«U Biełarusi madeli niu zusim nie zapatrabavanyja», — kažuć dziaŭčaty, jakija pracujuć u hetym žanry. Try madeli ščyra raskazali, jak adčuvajuć siabie, kali pazirujuć aholenymi na kamieru, kolki možna zarabić na eratyčnych fotasiesijach i jak na chobi reahujuć baćki i bojfrendy.
«Chudyški asabliva nikoha nie cikaviać — 80% mužčyn lubiać žančyn z formami»
Viera Bałašova:
— Fotazdymkami niu ja zajmałasia hod. Čym zacikavili? Ciažka skazać. Mianie ź dziacinstva pryciahvali takija žanry — erotyka, niu. Ja, napeŭna, čałaviek svabodnych pohladaŭ, dla mianie aholenaja natura — heta chutčej naturalnaść, heta pryhoža. Mianie heta čaplaje. Usia maja stužka zabita fatahrafijami hołych žančyn. Voś prosta padabajecca — i ŭsio, nie mahu patłumačyć, heta na ŭzroŭni padśviadomaha.
Što dziŭna, saramlivaści na pieršaj fotasiesii ja nie adčuvała. Kali ja raździavajusia, mnie kamfortna pracavać. Ja ŭ adzieńni saromiejusia — nie viedaju, što rabić!
Ja zdymałasia jak na ŭmovach TFP, tak i za hrošy. Ale kali pracavała na ŭmovach kamiercyi, čaściej za ŭsio heta była rabota na Zachad. Mnie mahli zapłacić $500 za ŭsiu zdymku, mahli $300, ale mienš ja nikoli nie brała.
Pracavała zvyčajna dla pryvatnych kalekcyj i vystaŭ. Ale ja asabliva nie cikaviłasia, što potym z fatahrafijami. Hrošy atrymała — dalej mianie nie chvaluje.
Nakont patrabavańniaŭ da źniešnaści. Heta nie ahienctva, dzie ŭ dziaŭčat pavinien być rost ad 175 sm. Samaje hałoŭnaje ŭ niu-madeli — kab jana lubili svajo cieła i ŭ jaje była enierhietyka.
Kali žančyna lubić siabie, u joj adčuvajecca seksualnaść. Sapraŭdnaja pryhažość — jana nie vonkavaja. Jakaja roźnica, jak ty vyhladaješ, kali ty nie ŭmieješ pravilna siabie padavać.
Z fatahrafijami praściej, heta nie kino — usie niedachopy možna prybrać. Nasamreč, ź lubym ciełam možna papracavać i ź luboj źniešnaści zrabić cukierku.
Ciapier modnyja pyšnyja hrudzi i vialikaja dupa, chudyški asabliva nikoha nie cikaviać. Heta ž katehoryja madelaŭ pracuje na mužskuju pałovu, a 80% mužčyn lubiać žančyn z formami.
Ekstremalnyja zdymki? Napeŭna, heta tematyka BDSM, šybary, kali ciabie całkam źviazvajuć i ty nie možaš ničoha zrabić. U takija momanty, kali ty biezdapamožnaja, zaŭsiody praskokvajuć dumki: a raptam fatohraf — mańjak i što-niebudź učynić? Ale bałazie ničoha padobnaha pakul nie zdarałasia.
Mnie časta pišuć mužčyny. Ale ja nie adkazvaju na nieadekvatnyja paviedamleńni. Navošta? Ad fatohrafaŭ nieprystojnyja prapanovy pastupali. Byŭ adzin vielmi nastyrny, jaki chacieŭ zapisać sa mnoj sumiesnaje videa. I jon dahetul maryć, što ja ź im zdymusia. Byvali situacyi, kali fatohraf pačynaje da ciabie prystavać ci niešta prapanoŭvać. Ale ja nikoli nie dazvalała da siabie dakranucca, maksimum — vałasy papravić.
Kali ja pačała pracavać madellu niu, ja sustrakałasia z maładym čałaviekam, jaki byŭ kateharyčna suprać, jamu nie padabałasia absalutna, jon mnie kazaŭ: abo ja, abo heta. Na toj momant ja była vielmi hordaja, razumieła, što nielha dziela kahości admaŭlacca ad taho, što lubiš. Chłopiec złavaŭsia, ale potym pryniaŭ majo chobi. A potym ja pajšła tancavać stryptyz — i jaho znoŭ bambanuła. Praz čas my rasstalisia.
Kali ja vyjšła zamuž, muž kazaŭ, što jamu ŭsio roŭna, čym ja zajmajusia, tolki b mnie padabałasia. A potym pačalisia zabarony, i mnie daviałosia kinuć niu, bo jon vielmi paprasiŭ, skazaŭ, što jamu baluča. Ale daŭ alternatyvu — kupiŭ fotaaparat, i ja pačała zdymać sama, tak što šmat nie zhubiła.
Ludzi, jakija daŭno mianie viedajuć, łajalna da hetaha stavilisia. Jany nie asabliva ździvilisia, bo ja dastatkova śpiecyfičny čałaviek i ad mianie možna čakać čaho zaŭhodna (uśmichajecca).
Ci praŭda, što madeli lohkadastupnyja? Usio indyvidualna. Ja viedaju žančyn, jakija zdymajucca ŭ niu i ŭ ich jość siamja, dzieci. Jany ŭsprymajuć fotasiesii prosta jak pracu. A dla niekatorych heta styl žyćcia.
«U 18 hadoŭ u takim žanry było niajomka zdymacca»
Neli Kvačova:
— Ja ź dziacinstva maryła stać madellu i časta paziravała pierad lusterkam. Ale kali ja zachacieła ažyćciavić svaju maru i pajšła ŭ madelnuju škołu, mianie nie ŭziali z-za maleńkaha rostu.
A try hady tamu ŭbačyła abjavu, što patrebna naturščyca, i vyrašyła pasprabavać (tym bolš što heta praca apłačvałasia). Heta była fotasiesija ŭ bialiźnie.
Naturalna, u maim junym uzroście — mnie tady tolki 18 spoŭniłasia — u takim žanry było niajomka zdymacca, ale mnie padabałasia, jak ja hladžusia ŭ kadry i toje, što heta dapamahaje zmahacca z kompleksami.
Na takich fotasiesijach možna nie tolki zarablać, ale i padarožničać. Płaciać madelam ad $50.
Samaje hałoŭnaje pierad zdymkaj — jak śled vyspacca, kab tvar nie vyhladaŭ stomlenym i nie było siniakoŭ. Kaniečnie, treba padtrymlivać siabie ŭ dobraj fizičnaj formie.
Ludzi na maje fota reahujuć pa-roznamu, niekatoryja sprabujuć saromieć. Znajomyja mianie nie asudžajuć. Baćki zaŭsiody davali mnie prava vybaru, ale zdymki ŭ styli niu nie ŭchvalajuć.
Mnie nie raz pastupali prapanovy, ad jakich davodziłasia admaŭlacca. Naprykład, padčas ekzamienaŭ pazvali ŭ fotatur, u jaki ja nie zmahła pajechać.
Kab pierastać bajacca kamiery, treba palubić siabie i svajo cieła, pracavać u kamfortnych dla vas umovach. Nu i fatohraf pavinien znajści da vas padychod.
Mnie padabajecca hetym zajmacca, bo fota dazvalaje tabie lepš ubačyć siabie zboku, ty razumieješ, jak da ciabie staviacca inšyja. Fotasiesii niu dapamahajuć mnie pavysić samaacenku i sačyć za modaj.
«Niu zajmajusia z-za vialikaj lubovi da mastactva»
Taisija:
— Pracavać madellu ŭ žanry niu ja stała ź lutaha minułaha hoda — tady zdymak stała davoli šmat. Ja nie bajałasia raździavacca na kamieru — spakojna staŭlusia da svajoj źniešnaści. Ale raniej madelinh niejak nie asabliva cikavy byŭ.
U Biełarusi na zdymkach niu nie zarobiš, tak što ŭsio z-za vialikaj lubovi da mastactva. Za fotasiesii redka płaciać.
Mnie niejak prapanoŭvali 20 rubloŭ, ale heta navat abraźliva, u restaran zvadzić zamiest apłaty — z toj ža opiery. Na majstar-kłas zvali za $60, kali ŭ kino — $75—150. Jość prapanovy da 2000 jeŭra za dzień, ale dla mianie jany vyhladajuć sumniŭna.
Baćki nie viedajuć, čym ja zajmajusia. Małady čałaviek stavicca nie vielmi dobra, ale prymaje majo chobi.
Nieprystojnyja prapanovy ad fatohrafaŭ? Ja starajusia pracavać z prafiesijanałami, im niama sensu psavać reputacyju. Zdymki ŭ bolšaści vypadkaŭ prosta zachoŭvaju na kampjutary, tyja, što vielmi padabajucca, — publikuju. U časopisy ŭsio dumała adpravić, ale tak sprava i nie dajšła.
Fotasiesii byvajuć roznyja. Pieryjadyčna my zdymajem na vulicy, vybirajem małaludnyja miescy. Adnojčy byli zdymki ŭ elektryčcy — vypadkova atrymałasia: jechali z fatohrafam dadomu, i źjaviłasia takaja ideja. Spačatku źniali ŭ tambury, a potym u našym vahonie zastałosia ŭsiaho paru čałaviek i my zrabili paru kartačak tam.
A jašče była zabaŭnaja historyja, kali nas ź plaža Sočy vyhaniali za toples.
Patrabavańni da madelaŭ u mnohim zaležać ad zadumki. Fatohraf ci režysior šukaje peŭny typaž dla realizacyi svaich idej. Asnoŭnaje, što ja prasočvaju, — papularnyja dziaŭčaty da 30 hadoŭ ź vialikim biustam. Časta šukajuć madelaŭ z daŭhimi vałasami. Ale ja ŭ kamiercyju nie lezu, tamu nie asabliva ŭ kursie.
Prychilniki pišuć pieryjadyčna, ale ja ich surjozna nie ŭsprymaju. Dyj času na pierapisku ŭ mianie nie tak šmat.
U zvyčajnym žyćcia ja našu jak dastatkova adkrytyja ŭbory, tak i prostyja. Lublu sukienki daŭžynioj da siaredziny ściahna. Apošni čas ja bolš za kamfort i zručnaść u adzieńni.
Kamientary