Čamu histaryčnyja hrafici ŭ biełaruskich haradach robiać pa-rusku? Adkazvajuć mastaki
Apošnim časam usio čaściej uspłyvajuć naviny, što čarhovaje hrafici na histaryčnuju temu ŭ jašče adnym biełaruskim horadzie napisali na ruskaj movie.
U asnoŭnym maluje takija murały studyja «Zadelo». Jany rabili hrafici ŭ Słonimie, Navahrudku, Miry, Zelvie, Hrodnie.
U Słonimie, paśla skarhaŭ haradžan i aktyvistaŭ, nadpis na hrafici daviałosia mianiać na biełaruskuju movu.
Čamu znoŭ i znoŭ mastaki nastupajuć na tyja ž hrabli? «Naša Niva» zapytałasia ŭ Dźmitryja Viasielina, mastaka studyi «Zadelo».
«My pracujem zhodna z zaćvierdžanym makietam i tolki paśla jaho ŭzhadnieńnia ŭ vykankamie ci ŭ taho, chto źjaŭlajecca zamoŭcam. «Zadelo» u hetym vypadku — tolki vykanaŭca. Apošnim časam my zaŭvažyli, što ŭźnikajuć pytańni nakont movy podpisaŭ. I ciapier zaŭsiody prosim źviarnuć na heta ŭvahu, pierš čym śćviardžać makiety kančatkova», — adkazvaje na pytańnie Dźmitryj Viasielin.
Adnak čamu mastaki adrazu nie prapanoŭvać makiet pa-biełarusku?
«Asabista dla mianie niepryncypova, na jakoj movie budzie hrafici. Byli skarhi ŭ Słonimie i ŭ Navahrudku — my pierarabili. Zrabili hrafici i na biełaruskaj, i na ruskaj movach. Ja sam razmaŭlaju pa-rusku, ale kab usie zahavaryli pa-biełarusku, to z zadavalnieńniem padtrymaŭ by hetuju inicyjatyvu. Što datyčycca nadpisaŭ, my naohuł ich pisać nie lubim i starajemsia paźbiahać tekstavaj infarmacyi», — udakładniaje Dźmitryj.
Kamientary