Rasijskaha top-mieniedžara zatrymali ŭ Italii pa zapycie ZŠA: jaho padazrajuć u pramysłovym špijanažy
Karparacyja «Rastech» paćvierdziła zatrymańnie 57-hadovaha dyrektara pa raźvićci biznesu Abjadnanaj avijabudaŭničaj karparacyi Alaksandra Karšunova. Jaho zatrymali ŭ aeraporcie Nieapala pa zapycie ZŠA, pieradaje RBK.
Pa dadzienych «Viedamaściaŭ», Karšunovu inkryminujuć kradziež intelektualnaj ułasnaści i dakumientaŭ General Electric, jakija nibyta płanavałasia vykarystoŭvać u intaresach rasijskaj prahramy PD-14. Prahrama praduhledžvaje stvareńnie ruchavika dla novych rasijskich siaredniemahistralnych samalotaŭ MS-21. Hetuju ž viersiju abvinavačvańni paćvierdziła dypłamatyčnaja krynica RBK.
Pa infarmacyi «Fantanki», Karšunoŭ rehularna lotaŭ u Italiju pa słužbovaj nieabchodnaści, ale ŭ hety raz jon nibyta nakiravaŭsia ŭ adpačynak. Zatrymańnie top-mieniedžara ADK prakamientavaŭ Uładzimir Pucin, adkazvajučy na pytańnie viadučaha panelnaha pasiadžeńnia Uschodniaha ekanamičnaha forumu Siarhieja Brylova. Pa słovach samoha Pucina, ZŠA abvinavačvajuć Karšunova ŭ kradziažy sakretaŭ.
U MZS Rasii nazvali zatrymańnie niadobrasumlennaj kankurencyjaj, a taksama adznačyli, što situacyja znachodzicca na kantroli pasolstva Rasii ŭ Italii.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary