NAK Biełarusi zaćvierdziŭ śpis drukavanych ŚMI dla pracy na Alimpijadzie‑2010 u Vankuviery.
Vykankam Nacyjanalnaha alimpijskaha kamiteta Biełarusi zaćvierdziŭ siońnia śpis ajčynnych drukavanych ŚMI dla pracy na XXI zimovych Alimpijskich hulniach 2010 hodu, što projduć u kanadskim Vankuviery.
U ich lik uvajšli pa adnym pišučym žurnalistu (katehoryja Je) ad infarmacyjnaha ahienctva BIEŁTA, hazietaŭ «Sovietskaja Biełoruśsija», «Respublika» i «Sportivnaja panorama».
Aproč taho, BIEŁTA i «Priessboł» zmohuć napravić na Hulni svaich fotakarespandentaŭ (katehoryja Jer).
Taksama NAK vyrašyŭ źviarnucca ŭ Mižnarodny alimpijski kamitet z prośbaj vydzielić dadatkovyja kvoty adnaho pišučaha karespandenta dla biełaruskamoŭnaj haziety «Źviazda» i adnaho fotakara dla «Sovietskoj Biełoruśsii».
Takim čynam, vykankam NAK, razhledziŭšy rekamiendacyju pastajannaj kamisii NAK, pasiedžańnie, jakoj było ŭ studzieni, zrabiŭ adnu źmienu.
Miesca fotakarespandenta «Sportivnoj panoramy» addadziena «Priessbołu».«U zajaŭcy «Priessboła» jość prośba akkredytavać u jakaści fotakarespandenta Viačasłava Fiedarenkava, što maje dośvied pracy na zimovych Hulniach‑2006 u Turynie», — patłumačyŭ pres‑sakratar NAK Piotr Rabuchin.
Heta pažadańnie było vykanana. Miarkujecca, što Viačasłaŭ Fiedarenkaŭ, jaki źjaŭlajecca šefam adździeła chakieju, zmoža vykonvać funkcyi jak pišučaha, tak i fotažurnalista.
Teležurnalisty atrymlivajuć asobnuju akkredytacyju. XXI zimovyja Alimpijskija hulni projduć z 12 pa 28 lutaha 2010 hoda.
***
Nahadajem, što 30 studzienia kamisija pa ŚMI Ministerstva sportu nie zadavoliła zajaŭku najbujniejšaj spartyŭnaj haziety krainy «Priessboł» na akredytacyju na zimovyja Alimpijskija hulni ŭ kanadskim Vankuviery. Hetaje rašeńnie i pavinien byŭ zaćvierdzić vykankam Nacyjanalnaha alimpijskaha kamitetu.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary