Płanujecca, što ŭ biełaruska‑rasijskich vučeńniach «Zachad‑2009» na terytoryi Biełarusi voźmuć udzieł pryblizna 13 tys. vajennasłužačych.
U Hienieralnym štabie Uzbrojenych sił Biełarusi raspracoŭvajecca zaduma biełaruska‑rasijskich apieratyŭna‑stratehičnych vučeńniaŭ «Zachad‑2009», jakija płanujecca pravieści vosieńniu.
Jak paviedamiła pres‑słužba Ministerstva abarony, u asnovu zadumy vučeńniaŭ pakładzieny varyjanty raźvićcia vajennych kanfliktaŭ apošnich dziesiacihodździaŭ i sučasnyja pohlady na praduchileńnie i adbićcio ahresii.
Pavodle papiarednich źviestak, kolkaść asabovaha składu, jaki budzie ŭdzielničać ŭ vučeńniach na terytoryi krainy, moža skłaści prykładna 13 tys. vajennasłužačych,
ź jakich ad Uzbrojenych sił Biełarusi — pryblizna 6—7 tys., ad Uzbrojenych sił Rasii — pryblizna 5—6 tys.
Dla ŭdziełu ŭ vučeńniach u Biełaruś prybudzie niekalki asobnych vajskovych čaściej z šerahu vajennych akruh RF.
Z 10 lutaha pa 20 sakavika pad kiraŭnictvam načalnika Hienieralnaha štaba Uzbrojenych sił — pieršaha namieśnika ministra abarony Biełarusi hienierał‑lejtenanta Siarhieja Hurulova pravodzicca sumiesnaja štabnaja treniroŭka Abjadnanaha kamandavańnia rehijanalnaj hrupoŭki vojskaŭ (sił) Biełarusi i Rasii. U jaho skład uvajšli aficery centralnych orhanaŭ vajennaha kiravańnia dźviuch krain, štaboŭ šerahu vajennych akruh Uzbrojenych sił Rasii.
Padčas treniroŭki adpracoŭvajucca pytańni sumiesnaha płanavańnia apieracyj i bajavych dziejańniaŭ, arhanizacyi ŭzajemadziejańnia i kiravańnia vojskami i siłami na ŭsich uzroŭniach.
Treniroŭka prachodzić u miežach sumiesnych mierapryjemstvaŭ apieratyŭnaj i bajavoj padrychtoŭki ŭzbrojenych sił Sajuznaj dziaržavy i źjaŭlajecca mierapryjemstvam padrychtoŭki orhanaŭ vajennaha kiravańnia i vojskaŭ (sił) da vučeńniaŭ «Zachad‑2009», jakija buduć mieć abarončuju nakiravanaść.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary