Jašče adna kraina dekryminalizuje miedycynskaje vykarystańnie marychuany
Sienat Parahvaja ŭchvaliŭ zakonaprajekt, jaki rehuluje abarot narkotykaŭ, i dekryminalizuje miedycynskaje vykarystańnie marychuany. Pra heta paviedamlaje Ultima Hora.
U dakumiencie praduhledžvajecca, što ludzi, jakija vyroščvajuć i apracoŭvajuć marychuanu dla vyklučna samastojnaha i miedycynskaha spažyvańnia, buduć vyzvalenyja ad adkaznaści. Pry hetym u čałavieka pavinna być śviedčańnie zachvorvańnia, pry jakim mahčyma ŭžyvańnie miedycynskich kanoplaŭ, zaćvierdžanaje Ministerstvam achovy zdaroŭja i sacsłužbaŭ.
Parahvajskim kampanijam pačnuć vydavać licenzii na vytvorčaść i kantralavanuju kamiercyjalizacyju miedycynskaj marychuany. Niepasredna ŭ Ministerstva achovy zdaroŭja budzie pastupać 2% vyrablenaha tavaru — jaho biaspłatna razdaduć biedniakam.
U žniŭni paviedamlałasia, što Luksiemburh stanie pieršaj dziaržavaj Jeŭropy, dzie całkam lehalizujuć marychuanu.
Miedycynskaje vykarystańnie marychuany i preparataŭ na jaje asnovie dazvolena ŭ Čechii, Polščy, Charvatyi, šerahu rehijonaŭ Italii i niekatorych inšych krainach. U šerahu dziaržaŭ Jeŭropy, u pryvatnaści ŭ Partuhalii i Aŭstryi, dziejničajuć praviły, što dekryminalizujuć abarot kanabisu — dapuskajecca jaho ŭžyvańnie ŭ śpiecyjalnych kafe, vyroščvańnie kanoplaŭ u nievialikich kolkaściach nie pieraśledujecca.
Całkam ža lehalizavali marychuanu Kanada i Uruhvaj.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary