Mužčynu, jaki na praciahu niekalkich hadzin uviečary ŭ sieradu pahražaŭ uzarvać kijeŭski most Mietro, zatrymali siłaviki, piša bbc.com.
A 16-j jon spyniŭ svaju mašynu prosta pasiarod mostu. Mužčyna pahražaŭ padarvać most i stralaŭ u pavietra. Jon sprabavaŭ pacelić u bieśpiłotnik, jaki da mosta nakiravali pravaachoŭniki.
Z-za incydentu častkova nie pracavała halina kijeŭskaha mietro - ad stancyi «Chraščacik» da stancyi «Darnica», aŭtamabilny ruch pa moście byŭ całkam pierakryty. Heta pryviało da vialikich zatoraŭ.
Kali da złačyncy padjechaŭ BTR ź śpiecnazam, jon padniaŭ ruki ŭvierch i loh na asfalt. Padčas zatrymańnia nichto nie paciarpieŭ.
Vybuchoŭki ŭ mužčyny nie vyjavili. Jon mieŭ pry sabie tolki karabin.
Načalnik palicyi Kijeva śćviardžaje, što złačynca nie vystaŭlaŭ kankretnych patrabavańniaŭ. Tolki pahražaŭ padarvać most, kali niechta da jaho nablizicca i vykazvaŭ žadańnie «pahavaryć sa svajoj dziaŭčynaj».
Były daradca ministra ŭnutranych spraŭ Ukrainy Anton Hieraščanka vykłaŭ u fejsbuku fota zatrymańnia.
Zatrymany — uradženiec Kryma, były vajskoviec, u jakoha try miesiacy tamu ŭžo zabirali vybuchoŭku. Tady jon zdavaŭ vybuchoŭku pa ŭłasnaj voli. Tamu jaho nie pryciahvali da adkaznaści.
ŚMI sa spasyłkaj na krynicy ŭ pravaachoŭnych orhanach pišuć, što zatrymanaha kličuć Alaksiej Bialko, jamu 42 hady.
Mer Kijeva Vital Kličko raspavioŭ, što Bialko znachodziŭsia ŭ nieadekvatnym stanie — «ci ŭ ałkaholnym, ci ŭ narkatyčnym apjanieńni». Pravaachoŭniki hetuju infarmacyju nie paćviardžajuć.
Mužčynu moža pahražać pažyćciovaje źniavoleńnie.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary