Makiej i kiraŭnik MZS Litvy abmierkavali pierapachavańnie udzielnikaŭ paŭstańnia 1863 hoda
Ministr zamiežnych spraŭ Biełarusi Uładzimir Makiej 25 vieraśnia na palach 74-j siesii Hienieralnaj asamblei AAN sustreŭsia ź ministrami zamiežnych spraŭ Indyi, Litvy, Charvatyi i Łatvii, paviedamlaje Tut.by sa spasyłkaj na pres-słužbu MZS.
«Padčas sustrečy ź ministram zamiežnych spraŭ Litvy Linasam Linkiavičusam abmierkavany aktualnyja pytańni dvuchbakovych adnosinaŭ, u tym liku tyja, što vyklikajuć zakłapočanaść u abodvuch bakoŭ. Dasiahnuta razumieńnie nieabchodnaści pačatku adkrytaha i ščyraha dyjałohu ŭ metach pošuku rašeńniaŭ naśpiełych prablem. Surazmoŭcy razhledzieli pytańni ŭzajemadziejańnia ŭ ramkach mižnarodnych arhanizacyj, damovilisia praciahnuć rabočyja kantakty ŭ najbližejšy čas», — adznačana ŭ paviedamleńni.
Nahadajem, da vostraj temy chutkaha zapusku BiełAES u apošnija dni dadałasia dyskusija vakoł miesca pierapachavańnia Kastusia Kalinoŭskaha.
«My havaryli pra toje, kab dazvolić Litvie ŭnieści svoj układ u dyviersifikacyju enierhapastavak albo z dapamohaj ułasnych mahčymaściaŭ, albo pry dapamozie supracoŭnictva z Polščaj», — skazaŭ Linkiavičus BNS pa telefonie ź Ńju-Jorka paśla sustrečy. U pryvatnaści, havorka idzie ab mahčymych pastaŭkach nafty praź Litvu.
Kiraŭnik MZS Litvy taksama zaprasiŭ biełaruskuju dziaržaŭnuju delehacyju naviedać pachavańnie udzielnikaŭ paŭstańnia 1863 hoda ŭ Vilni ŭ listapadzie. Linkiavičus adznačyŭ, što biełaruskija pradstaŭniki buduć zacikaŭleny va ŭdziele ŭ mierapryjemstvie, ale Makiej nie ŭdakładniŭ, jakoha ŭzroŭniu moža być delehacyja.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary