Abvieščany pačatak adboru debiutantaŭ dla ŭdziełu va ŭračystym adkryćci «Vienskaha balu z A1 u Kupałaŭskim». Impreza, jakuju ładzić A1 i Nacyjanalny akademičny teatr imia Janki Kupały pad patranatam Pasolstva Aŭstryi ŭ Biełarusi, adbudziecca 14 śniežnia ŭ histaryčnym budynku Kupałaŭskaha. Pryjom zajavak dla tych, chto žadaje stać debiutantam, praciahniecca s 2 pa 16 kastryčnika 2019 hoda.
Mahčymaść stać debiutantam majuć niezamužnija dziaŭčaty va ŭzroście ad 16 da 23 hadoŭ i niežanatyja maładyja ludzi va ŭzroście ad 18 da 26 hadoŭ, jakija dahetul nikoli nie ŭdzielničali ŭ balach.
Udzieł u bali dla debiutantaŭ, u adroźnieńnie ad inšych haściej, biaspłatny.
Pretendentam pažadana mieć chacia b bazavuju tancavalnuju padrychtoŭku, być daśviedčanymi ŭ praviłach etykietu i zdolnymi padtrymać niazmušanuju śvieckuju razmovu. Pry hetym vyprabavać udaču moža kožny: dla hetaha ŭ pieryjad z 2 pa 16 kastryčnika dastatkova zapoŭnić ankietu pa spasyłcy.
200 kandydataŭ buduć zaprošany na vočny kastynh, dzie siabry balnaha kamiteta — pradstaŭniki arhanizataraŭ, prafiesijnyja chareohrafy i inšyja śpiecyjalisty, u tym liku pradstaŭniki aŭstryjskaha boku, jakija majuć adpaviedny dośvied, — abiaruć 20 par debiutantaŭ.
U listapadzie debiutantaŭ čakaje pačatak nasyčanaj padrychtoŭki i repietycyj, a 14 śniežnia jany adkryjuć «Vienski bal z A1 u Kupałaŭskim».
Jašče adnym važnym patrabavańniem da debiutantaŭ, akramia naviedvańnia repietycyj, źjaŭlajecca prytrymlivańnie zaćvierdžanaha dres-kodu na samim bali. Jon abaviazkovy dla ŭsich vienskich balaŭ i ŭklučaje balnuju sukienku čysta biełaha koleru biez pyšnaj spadnicy, biełyja palčatki i biełyja zakrytyja tufli dla dziaŭčat i čorny frak ci paradnuju ŭniformu, biełyja palčatki i čornyja łakiravanyja tufli dla maładych ludziej. Śviatočny stroj zvyčajna dazvalajecca jak nabyć ci pašyć na zamovu, tak i ŭziać u arendu. A ŭdzielniki pieršaha «Vienskaha balu z A1 u Kupałaŭskim» mohuć raźličvać na dapamohu arhanizatara — kampanii A1 — u padrychtoŭcy ŭsiaho nieabchodnaha.
Čytajcie taksama: Pieršy dabračynny «Vienski bal z A1 u Kupałaŭskim» projdzie ŭ Minsku 14 śniežnia
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary