Nobiela pa ekanomicy prysudzili za ekśpierymientalny padychod da baraćby ź biednaściu
Łaŭreatami premii Dziaržaŭnaha banka Šviecyi pamiaci Alfreda Nobiela stali Ester Dziufło, Abchidžyt Banierdžy i Majkł Kremier, paviedamiŭ Nobieleŭski kamitet.
BREAKING NEWS:
The 2019 Sveriges Riksbank Prize in Economic Sciences in Memory of Alfred Nobel has been awarded to Abhijit Banerjee, Esther Duflo and Michael Kremer “for their experimental approach to alleviating global poverty.”#NobelPrize pic.twitter.com/SuJfPoRe2N
U adpaviednaści z aficyjnaj farmuloŭkaj, premija prysudžana «za ekśpierymientalny padychod da baraćby z hłabalnaj biednaściu».
«Łaŭreaty hetaha hoda raspracavali novy padychod da atrymańnia nadziejnych adkazaŭ pra lepšyja sposaby baraćby z hłabalnaj biednaściu. Vyniki ich rabot i daśledčykaŭ, jakija išli pa ich śladach, značna palepšyli našu zdolnaść zmahacca ź biednaściu na praktycy», — havorycca ŭ paviedamleńni Šviedskaj karaleŭskaj akademii navuk.
U paviedamleńni adznačajecca, što mietad łaŭreataŭ 2019 palahaje na raźbićci vialikaj prablemy hłabalnaj biednaści na mnostva bolš drobnych, rašeńnie kožnaj ź jakich možna znajści ŭ chodzie «palavych ekśpierymientaŭ».
Troje łaŭreataŭ 2019 hoda padzialilisia pamiž saboj 9 młn šviedskich kron ($ 915 tys.). Adkazvajučy na pytańnie žurnalistaŭ, na što buduć vydatkavanyja hrošy, Dziufło pažartavała, što try ciapierašnija łaŭreaty pa prykładzie Maryi Składoŭskaj-Kiury patraciać premiju na hram radyju. «Dumaju, što my ŭtroch damovimsia i vyrašym, što budzie našym hramam radyju», — skazała Dziufło.
Ester Dziufło — druhaja žančyna ŭ historyi, hanaravanaja Nobieleŭskaj premii pa ekanomicy (pieršaj u 2009 hodzie stała Elinor Ostrym). Diufło taksama źjaŭlajecca samym maładym łaŭreatam Nobieleŭskaj premii pa ekanomicy (joj 46 hadoŭ). Jana i jaje muž Abchidžyt Banierdžy stali pieršaj paraj, sumiesna jakaja atrymała Nobieleŭskuju premiju pa ekanomicy.
Kali Kanapackaja stała całkam padkantrolnaja Łukašenku?22
Kamientary