Нобеля па эканоміцы прысудзілі за эксперыментальны падыход да барацьбы з беднасцю
Лаўрэатамі прэміі Дзяржаўнага банка Швецыі памяці Альфрэда Нобеля сталі Эстэр Дзюфло, Абхіджыт Банерджы і Майкл Крэмер, паведаміў Нобелеўскі камітэт.
BREAKING NEWS:
The 2019 Sveriges Riksbank Prize in Economic Sciences in Memory of Alfred Nobel has been awarded to Abhijit Banerjee, Esther Duflo and Michael Kremer “for their experimental approach to alleviating global poverty.”#NobelPrize pic.twitter.com/SuJfPoRe2N
У адпаведнасці з афіцыйнай фармулёўкай, прэмія прысуджана «за эксперыментальны падыход да барацьбы з глабальнай беднасцю».
«Лаўрэаты гэтага года распрацавалі новы падыход да атрымання надзейных адказаў пра лепшыя спосабы барацьбы з глабальнай беднасцю. Вынікі іх работ і даследчыкаў, якія ішлі па іх слядах, значна палепшылі нашу здольнасць змагацца з беднасцю на практыцы», — гаворыцца ў паведамленні Шведскай каралеўскай акадэміі навук.
У паведамленні адзначаецца, што метад лаўрэатаў 2019 палягае на разбіцці вялікай праблемы глабальнай беднасці на мноства больш дробных, рашэнне кожнай з якіх можна знайсці ў ходзе «палявых эксперыментаў».
Трое лаўрэатаў 2019 года падзяліліся паміж сабой 9 млн шведскіх крон ($ 915 тыс.). Адказваючы на пытанне журналістаў, на што будуць выдаткаваныя грошы, Дзюфло пажартавала, што тры цяперашнія лаўрэаты па прыкладзе Марыі Складоўскай-Кюры патрацяць прэмію на грам радыю. «Думаю, што мы ўтрох дамовімся і вырашым, што будзе нашым грамам радыю», — сказала Дзюфло.
Эстэр Дзюфло — другая жанчына ў гісторыі, ганараваная Нобелеўскай прэміі па эканоміцы (першай у 2009 годзе стала Элінор Острым). Дюфло таксама з'яўляецца самым маладым лаўрэатам Нобелеўскай прэміі па эканоміцы (ёй 46 гадоў). Яна і яе муж Абхіджыт Банерджы сталі першай парай, сумесна якая атрымала Нобелеўскую прэмію па эканоміцы.
Калі Канапацкая стала цалкам падкантрольная Лукашэнку?22
Каментары