Prezident ZŠA Donald Tramp padpisaŭ ukaz pra sankcyi suprać Turcyi ŭ suviazi z vajennaj apieracyjaj u Siryi. Ab hetym paviedamlajecca ŭ raspaŭsiudžanaj u paniadziełak zajavie dziaržsakratara Złučanych Štataŭ Majkła Pampiea, paviedamlajuć infarmahienctvy.
«Prezident Donald Tramp zaraz padpisaŭ ukaz, kab prymusić Turcyju spynić nastup na paŭnočnym uschodzie Siryi i pajści na spynieńnie ahniu», - havorycca ŭ zajavie.
«Kab paźbiehnuć nastupstvaŭ dalejšych sankcyj, Turcyja pavinna nieadkładna spynić adnabakovy nastup na paŭnočnym uschodzie Siryi i viarnucca da dyjałohu sa Złučanymi Štatami adnosna biaśpieki», - adznačyŭ dziaržsakratar.
Jak vynikaje z dakumienta, vajennaja apieracyja Turcyi stvaraje pieraškody dla praviadzieńnia kampanii z metaj razhromu terarystyčnaj hrupoŭki «Isłamskaja dziaržava», a taksama «pahražaje miru, biaśpiecy i stabilnaści ŭ rehijonie». U dakumiencie ŭdakładniajecca, što ŭ suviazi z hetym majecca pahroza dla nacyjanalnaj biaśpieki ZŠA.
Jak paviedamlałasia ŭ paniadziełak na sajcie Minfina ZŠA, Vašynhton dadaŭ u sankcyjnych śpis Ministerstva nacyjanalnaj abarony i Ministerstva enierhietyki i pryrodnych resursaŭ Turcyi, kiraŭnikoŭ hetych viedamstvaŭ Chułusi Akara i Facicha Danmieza, a taksama kiraŭnika MUS Sulejmana Sojłu.
U Minfinie ZŠA taksama zajavili, što hatovyja ŭvieści dadatkovyja sankcyi suprać čynoŭnikaŭ z tureckaha ŭrada i dziaržaŭnych karparacyj. Traplańnie ŭ sankcyjny śpis aznačaje zamarozku aktyvaŭ u ZŠA i zabaronu dla amierykanskich hramadzian abo kampanij vieści biznes ź jaho fihurantami.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary