Trenier dyskvalifikavanaha za dopinh Ivana Cichana zajaviŭ pra padłoh u piekinskaj łabaratoryi.
U antydopinhavaj łabaratoryi Piekina, dzie minułym letam adbylisia Alimpijskija hulni, mieła miesca «padrobka analityčnych materyjałaŭ», u vyniku čaho było abvieščana ab vyjaŭleńni dopinhu ŭ biełaruskich kidalnikaŭ mołata Ivana Cichana i Vadzima Dzieviatoŭskaha.Takuju zajavu ahučyŭ trenier I.Cichana Siarhiej Litvinaŭ na pres‑kanfierencyi ŭ Minsku 24 lutaha. Pry hetym jon spasłaŭsia na svaju razmovu z dyrektaram Nacyjanalnaha antydopinhavaha ahienctva Mikałajem Kručynskim.
Pavodle słoŭ treniera, da 27 lutaha spartsmieny, pazbaŭlenyja alimpijskich uznaharod i pakaranyja dyskvalifikacyjaj (I.Cichan — na dva hady, V.Dzieviatoŭski — pažyćciova), pavinny padać u Spartyŭny arbitražny sud u Łazanie kančatkovy pakiet dakumientaŭ. Adnak nie vyklučana, što hety termin źmieścicca na 7 sakavika pa prośbie adnaho z advakataŭ.
«Padobnych precedentaŭ u historyi sportu nie zdarałasia.
Siły, jakija buduć supraćstajać nam, niepradkazalnyja»,— zajaviŭ S.Litvinaŭ.
Abaronaj spartoŭcaŭ zajmajecca brytanskaja firma «Chamans». Suma vydatkaŭ na apielacyju składzie kala 300 tys. dołaraŭ, zaznačyŭ S.Litvinaŭ. Častku raschodaŭ (80 tys. dołaraŭ), pavodle jaho słoŭ, uziaŭ na siabie rasijski chołdynh «Itera», jaki, mahčyma, vydzielić bolš za nazvanuju sumu. Dziaržava, pavodle śćviardžeńnia treniera I.Cichana, u finansavańni nie ŭdzielničaje.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary