U Vilni byli ŭručanyja medali Rady BNR u honar 100-hodździa Niezaležnaści BNR hramadzkim i palityčnym dziejačam ź Biełarusi, jakija pryjechali na pachavańnie Kastusia Kalinoŭskaha i jahonych paplečnikaŭ. Uhanaravańnie adbyłosia na sustrečy ź biełaruskaj hramadzkaściu ŭ Domie nacyjanalnych abščynaŭ, piša Radyjo Svaboda.
Staršynia Rady BNR Ivonka Surviła skazała, što maje vialikuju pryjemnaść spatkacca ź ludźmi ź Biełarusi, čyje zasłuhi ŭ spravie baraćby za demakratyju acenienyja ŭznaharodaj, jakuju joj užo davodziłasia ŭručać dziejačam dyjaspary.
Ad imia tych, chto atrymaŭ medal raniej, vystupiŭ piśmieńnik Uładzimier Arłoŭ. Jon vykazaŭ upeŭnienaść, što ŭ budučaj demakratyčnaj Biełarusi medal budzie pryroŭnieny da vyšejšaj dziaržaŭnaj uznaharody
Medali BNR-100 z ruk Ivonki Surviły atrymali śviatar a. Andruś Abłamiejka, mastak Alaksiej Maračkin, režyser, pastanoŭščyk spektaklu «Kastuś Kalinoŭski» pa pjesie Uładzimiera Karatkieviča (1978) Valer Mazynski, zasnavalniki «Majstroŭni» Vincuk Viačorka i Siarhiej Dubaviec, mastak Aleś Puškin, skulptar Hienik Łojka, deputat Niezaležnaści Juraś Bieleńki, palityk Anatol Labiedźka, zasnavalnik BZV Mikoła Statkievič, paet Uładzimier Niaklajeŭ, palityk i były palitviazień Pavał Sieviaryniec, historyk Alaksandar Kraŭcevič, palityk Alaksiej Janukievič, hramadzki aktyvist Andrej Stryžak, mecenat Pavał Bierahovič (Padkarytaŭ), kiraŭnik arhanizacyi Biełaruskaja nacyjanalnaja pamiać Anatol Michnaviec, arhanizatary śviatkavańnia BNR-100 Franak Viačorka i Pavał Biełavus.
Uznaharodžanych pryvitaŭ pieršy kiraŭnik niezaležnaj Biełarusi Stanisłaŭ Šuškievič.
Taksama ŭ Vilni ad Ivonki Surviły medali atrymali były palitviazień Viačasłaŭ Siŭčyk, staršynia partyi BNF Ryhor Kastusioŭ, redaktar biełastockaj «Nivy» Jaŭhien Vapa, były narodny deputat SSSR Alaksandar Dabravolski.
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary