A mielisia ŭ dzień biełaruskaj milicyi.
Pachavańnie kryminalnaha aŭtaryteta Uładzimira Birukova, jakoje pavinna było adbycca siońnia ŭ Babrujsku (Mahiloŭskaja vobłaść), pieraniesiena na 5 sakavika.Jaho cieła było dastaŭlena ŭ Biełaruś uviečary 3 sakavika.
Pieranos pachavańnia, jak vidać, byŭ źviazany ź nieabchodnaściu praviadzieńnia pravaachoŭnymi orhanami ekśpiertyz. Jak paviedamiła BiełaPAN krynica ŭ hałoŭnym upraŭleńni pa baraćbie z arhanizavanaj złačynnaściu MUS, «praviedzieny ŭsie nieabchodnyja ekśpiertyzy, i ciapier dakładna viadoma, što pamierły — Uładzimir Birukoŭ».
Uradženiec Babrujska U.Birukoŭ, viadomy ŭ kryminalnym śviecie pad mianuškami Biruk abo Bira, — samy bahaty vychadziec ź Biełarusi, jaki adnosiŭ siabie da katehoryi «złodziejaŭ u zakonie».U kancy 1990‑ch hadoŭ uciok ź Biełarusi. Jamu było vystaŭlena abvinavačańnie ŭ vymahalnictvie i machlarstvie.
U 2003 hodzie U.Birukoŭ zatrymlivaŭsia pravaachoŭnymi orhanami Rasii pavodle prośby biełaruskaha boku, ale byŭ adpuščany, bo z 2001 hoda źjaŭlaŭsia hramadzianinam RF i nie ŭčyniaŭ złačynstvaŭ na terytoryi hetaj krainy.
U 2008 hodzie U.Birukoŭ byŭ abjaŭleny biełaruskimi pravaachoŭnymi orhanami ŭ mižnarodny vyšuk pa padazreńni ŭ arhanizacyi niezakonnaj skupki nieruchomaści ŭ Babrujsku. 19 lutaha 2009 hoda jaho zatrymali ŭ Maskvie, ale 20 lutaha adpuścili z‑pad aryštu, tamu što ŭ rasijskaha boku pretenzij da jaho nie było. 28 lutaha U.Birukoŭ pamior u Maskvie ad vostraj sardečnaj niedastatkovaści.
U.Birukoŭ budzie pachavany na Minskich mohiłkach u Babrujsku pobač z baćkam. Ciapier tam pravodziacca raboty, źviazanyja z pachavańniem. Pavodle źviestak BiełaPAN, pachavańnie pryznačana aryjencirovačna na 15‑iu hadzinu.
Kamientary