KDK aburany, što biznesmeny «raźjaždžajuć na darahich mašynach, majučy stratnyja pradpryjemstvy».
KDK aburany, što biznesmeny «raźjaždžajuć na darahich mašynach, majučy stratnyja pradpryjemstvy».
Kamitet dziaržkantrolu Biełarusi na padstavie najaŭnaj infarmacyi ab parušeńniach praviadzie pravierki stratnych pradpryjemstvaŭ bieź viedamasnaj padparadkavanaści. Pra heta, jak piša BiełTA, siońnia paviedamiŭ staršynia KDK Zianon Łomać.
«Praviarać usich zapar my nie budziem, a tolki na padstavie infarmacyi, jakaja pastupiła, i takaja infarmacyja jość», – skazaŭ Zianon Łomać. Jość prykłady, kali biznesmeny «raźjaždžajuć na darahich mašynach» i pry hetym majuć stratnyja pradpryjemstvy, heta značyć jany prosta sychodziać ad padatkaŭ. Da prykładu, niadaŭna KDK vyjaviŭ parušeńni na kamiercyjnym pradpryjemstvie, dzie adzin z dyrektaraŭ uchiliŭsia ad vypłaty padatkaŭ na Br 6,2 młrd. Uzbudžanyja taksama kryminalnyja spravy pa ŭchileńni ad padatkaŭ, jakija mieli miesca jašče 5-6 hadoŭ tamu.
Zianon Łomać adznačyŭ, što pravierki pravodziacca stroha ŭ adpaviednaści z ukazam № 689. «Tak, dakumient prypyniŭ, ale nie spyniŭ pravierki. My stali pracavać kropkava i bolš vynikova. My pracujem tam, dzie jość parušeńni», — padkreśliŭ staršynia Kamiteta dziaržkantrolu. Pry hetym u 99,9% praviedzienych pravierak vyjaŭlenyja parušeńni.
Tym nie mienš, jak užo paviedamlaŭ pres-centr Chartyi'97, biełaruskija čynoŭniki nie mocna adčuvajuć na sabie ekanamičny kryzis. Tak staršynia praŭładnaj Fiederacyi prafsajuzaŭ Biełarusi Leanid Kozik niadaŭna pierasieŭ na novy słužbovy aŭtamabil – Toyota Land Cruiser. Samaje tannaje aŭto hetaj madeli ŭ aficyjnaha dylera ŭ Respublicy Biełaruś kaštuje zaraz 43100 dalaraŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?7
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary