Biaspłatny fitnies i ZOŽ-furšet projdzie ŭ Minsku 20 śniežnia
U minskim Pałacy mastackaj himnastyki 20 śniežnia a 18:00 adbudziecca biaspłatnaja treniroŭka ŭ styli Mix Functional Training. Zaniatki zavieršacca ZOŽ-furšetam. Uvachod volny pa papiarednim zapisie. Heta budzie finalnaje mierapryjemstva sacyjalnaha prajekta «Adkrytaja treniroŭka TEOS», jaki realizujecca pa inicyjatyvie kampanii «Savuškaŭ pradukt».
Zaniatki praviaduć prafiesijnyja treniery fitnies-kłuba «Adrenalin»: Hanna Varabjova i Kaciaryna Ždaniuk. Jany paznajomiać udzielnikaŭ z naboram praktykavańniaŭ pa prahramie funkcyjanalnaha treninhu (jon ža Mix Functional Training). Dadzieny styl možna acharaktaryzavać jak kompleks dla pavyšeńnia sprytu, vynoślivaści i kaardynacyi ruchaŭ.
U asnovu funkcyjanalnaha treninhu ŭvachodziać praktykavańni, jakija zadziejničajuć šmatlikija bujnyja myšcy, dziakujučy čamu adbyvajecca spalvańnie lišniaha tłušču ŭ arhaniźmie i ŭmacavańnie ŭsiaho cieła. U adroźnieńnie ad tradycyjnych siłavych trenirovak, padčas funkcyjanalnaha treninhu raźvivajucca ŭ tym liku hłybinnyja myšcy, zvanyja jašče «stabilizatarami». Bolšaja ich častka raźmieščana ŭ najbolš prablemnych miescach — u zonie ściohnaŭ, jahadzic i ŭ rajonie presa.
Pierad treniroŭkaj adbudziecca hutarka sa śpiecyjalistami ab pravilnym charčavańni. Usie achvotnyja atrymajuć mahčymaść zadać svaje pytańni i padyskutavać z prafiesijanałami. Sustreču zavieršyć ZOŽ-furšet, padčas jakoha zaprošanyja hości zmohuć pasprabavać kaktejli na asnovie johurta TEOS z sadavinaj i jahadami.
U hety raz treniroŭka projdzie nie ŭ zvyčajnaj fitnies-zale, a ŭ Pałacy mastackaj himnastyki ŭ centry Minska — takim čynam arhanizatary płanujuć na apošniaje mierapryjemstva pryciahnuć bolšuju kolkaść udzielnikaŭ. Čakajecca, što ŭ zale Pałaca mastackaj himnastyki zmohuć pabyvać kala 60 udzielnikaŭ.
Dla taho, kab patrapić na treniroŭku, nieabchodna prajści anłajn-rehistracyju. Udzieł u mierapryjemstvie biaspłatny.
«Meta našaha prajekta — papularyzacyja zdarovaha ładu žyćcia i pravilnaha charčavańnia. Amal za hod my praviali treniroŭki pa ŭsioj Biełarusi, paznajomili sotni čałaviek z roznymi napramkami fitniesu: zumbaj, body balance, piłates, taj-bo. Za hety čas my atrymali mnostva stanoŭčych vodhukaŭ ad ludziej, jakija adkarektavali svoj ład žyćcia, źmianili štodzionny racyjon i tym samym adčuvalna palepšyli svajo zdaroŭje. Spadziajemsia, što finalnaja treniroŭka budzie taksama karysnaja dla ŭsich jaje ŭdzielnikaŭ», — ličyć PR-dyrektar AAT «Savuškaŭ pradukt» Alena Babkina.
Biaspłatnyja treniroŭki ŭ ramkach ZOŽ-prajekta «Adkrytaja treniroŭka TEOS» štomiesiac prachodzili z sakavika 2019 hoda ŭ najbujniejšych haradach Biełarusi: u Minsku, Breście, Homieli, Pinsku, Vaŭkavysku, Łunincy i Oršy. Kožny raz vybiralisia roznyja styli fitniesu.
Kamientary