U Komi vydańnie «7x7» aštrafavali na 20 tysiač rasijskich rubloŭ (bolš za $ 320) za publikacyju na movie komi, piša RBK.
Rehijanalnaje ŭpraŭleńnie Raskamnahlada padało na partał pazoŭ i sud jaho zadavoliŭ. Jak paviedamlajecca na sajcie vydańnia, pretenzii źviazanyja z materyjałami błohiera Mikałaja Udaracina na movie komi i publikacyjami anhłamoŭnych pierakładaŭ śpiecprajektaŭ. Pry hetym, jak adznačaje partał, materyjały na movie komi dublavalisia pa-rusku.
Sud pastanaviŭ, što vydańnie parušyła artykuł «parušeńnie paradku raspaŭsiudu pradukcyi ŚMI». Kali «7ch7» rehistravali ŭ jakaści ŚMI ŭ 2010 hodzie, movaj raspaŭsiudžvańnia materyjałaŭ była nazvanaja ruskaja.
Dyrektar partała Pavieł Andrejeŭ zajaviŭ, što ŭ miascovych žycharoŭ jość prava havaryć i pisać na rodnaj movie. «U nas nie było i dumki nikoli, kab cenzuravać błohiera, jaki drukavaŭsia na rodnaj movie», — adznačyŭ jon.
Kamientary