17 sakavika Alaksandr Kazulin sustreŭsia ź vice‑premjeram Čechii Alaksandram Vondram. Hałoŭnaj temaj razmovy było pytańnie zaprašeńnia Łukašenki ŭ Prahu na majski samit.
17 sakavika były palitviazień i kandydat na pasadu prezidenta Alaksandr Kazulin sustreŭsia ŭ Prazie ź vice‑premjeram Čechii pa jeŭrapiejskich spravach Alaksandram Vondram. Hałoŭnaj temaj razmovy było pytańnie zaprašeńnia Łukašenki ŭ Prahu na majski samit kiraŭnikoŭ dziaržaŭ.
Kazulin vykazaŭ mierkavańnie, što zaprašać Łukašenku ŭ Prahu niemahčyma, bo ŭ Biełarusi nie zroblena nijakich kankretnych krokaŭ pa demakratyzacyi, jakija mahli b kampiensavać represii za apošnija 15 hadoŭ kiravańnia. Pa słovach Kazulina, takuju pazicyju zajmajuć 90% pradstaŭnikoŭ biełaruskaha demakratyčnaha ruchu.
Kazulin skazaŭ, što ŭ 2009 hodzie adznačajucca 20‑yja ŭhodki aksamitnaj revalucyi, a 7 traŭnia, u dzień samitu, budzie roŭna dziesiać hadoŭ z momantu źniknieńnia Juryja Zacharanki. Tamu ŭ takich umovach pryjezd Łukašenki ŭ Prahu abaznačaŭ by vyjhryš dyktatury nad demakratyjaj.
Kamientary