Prezident Rasii Uładzimir Pucin źviarnuŭsia da pradstaŭnikoŭ apazicyi i daŭ im paradu. U intervju TASS dla prajekta «20 pytańniaŭ Uładzimiru Pucinu» kiraŭnik dziaržavy zaklikaŭ apazicyju pradjavić pazityŭnuju prahramu, a nie tolki łajać uładu.
Pavodle jaho słoŭ, łajać dziejnuju ŭładu dla taho, kab pierakanać vybarščyka ŭ tym, što jany patrebnyja, niedastatkova. U toj ža čas kiraŭnik dziaržavy adznačyŭ, što krytyka patrebna, ale jaje niedastatkova, kab raźvivać krainu.
Dla taho, kab danieści svoj punkt hledžańnia da elektaratu, upeŭnieny Pucin, nieabaviazkova ładzić niesankcyjanavanyja mitynhi. «Atrymlivajcie sankcyju, idzicie i vykazvajcie svoj punkt hledžańnia», — skazaŭ jon, adznačyŭšy, što svaju pazicyju da miljona hramadzian možna danieści pry dapamozie internetu. Prezident akcentavaŭ uvahu na tym, što niesankcyjanavanyja akcyi vykarystoŭvajucca, kab pravakavać siłavyja struktury, a heta vyklikaje hramadski rezanans.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja14
Kamientary