14 ptušaniataŭ.
U Biełarusi zaŭvažyli šmatdzietnuju siamju lebiedziaŭ-šypunoŭ — u adnym vyvadku 14 ptušaniat. Jak miarkujecca, im krychu bolš za miesiac, piša Onliner.by.
Pa słovach arnitołahaŭ, heta svojeasablivy rekord dla hetaha vidu. Pra ŭnikalny vypadak napisaŭ u svaich sacsietkach adukacyjny prajekt pra pryrodu i ptušak Kryly.by.
Arnitołahi sustreli vialikuju lebiadzinuju kampaniju padčas adnoj sa svaich prahułak uzdoŭž raki Muchaviec u Breście. I navat vopytnych śpiecyjalistaŭ uraziła kolkaść lebiedzianiat, jakich vychoŭvała adna para ptušak.
Onliner źviazaŭsia z zasnavalnikam prajekta Kryly.by Siamionam Levym, kab daviedacca, u čym asablivaść takoj niezvyčajnaj źjavy.
Jak praviła, za adzin siezon lebiedzi-šypuny adkładajuć pa 4‑6 jajek. Biełaruskija arnitołahi, jakija zajmajucca vyvučeńniem hetaha vidu, sustrakali taksama i pa 10 ptušaniat u adnym vyvadku. A adnojčy ludzi zaŭvažyli i 16 lebiedzianiat — było heta niekalki hadoŭ tamu ŭ Mahilovie. Ale 14 ptušaniat u lebiedziaŭ — heta taksama vielmi šmat, i heta vyklučny vypadak, — raspaviadaje śpiecyjalist.
Taksama arnitołah tłumačyć: takoje «šmatdzietnaje baćkoŭstva vielmi enierhazatratna dla lebiedziaŭ-šypunoŭ.
— Samka bolš za miesiac tolki adkładała jajki, a potym jašče dzieści paŭtara miesiaca nasiedžvała. Samiec ža budavaŭ hniazdo, prynosiŭ joj ježu. Dla taho kab vyvieści takoje vialikaje patomstva. treba vielmi šmat pažyŭnych rečyvaŭ i enierhii. Tak što možna mierkavać, što samka zimoj i viasnoj znachodziłasia ŭ spryjalnych umovach, joj usiaho chapała i ŭ jaje sfarmavaŭsia dobry tłuščavy zapas.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary