U Hrodzienskaj vobłaści niepahadź pryviała da adklučeńniaŭ elektraenierhii
U Hrodzienskaj vobłaści enierhietyki apieratyŭna likvidujuć technałahičnyja parušeńni, vyklikanyja razhułam stychii.
Siońnia na zachadzie krainy z-za mocnaha vietru i mokraha śniehu abjaŭleny aranžavy ŭzrovień niebiaśpieki. Enierhietyki Hrodzienščyny ŭ niaprostych umovach nadvorja likvidujuć technałahičnyja parušeńni, vyklikanyja razhułam stychii. Časovyja adklučeńni asabliva mocna adbilisia na Hrodzienskim, Vaŭkavyskim i Słonimskim rajonach. Pa stanie na 10.00 elektrazabieśpiačeńnie adnoŭlena ŭ 22 nasielenych punktach, raspaviali ŭ «Biełenierha».
Dla vykanańnia avaryjna-adnaŭlenčych rabot pryciahnuli 14 bryhad i 21 adzinku techniki.
Kamientary