Ministr zamiežnych spraŭ Biełarusi Uładzimir Makiej pravioŭ u farmacie videakanfierencyi pieramovy ź ministram zamiežnych spraŭ Polščy Jacekam Čaputovičam i ŭpaŭnavažanym polskaha ŭrada pa pytańniach stratehičnaj enierhietyčnaj infrastruktury Piatrom Naimskim, pieradaje BiełTA.
Jak patłumačyŭ u pačatku videakanfierencyi Uładzimir Makiej, u jaho byŭ zapłanavany vizit u Polšču, ale z-za raźvićcia situacyi z karanavirusam jon byŭ admienieny. Ministry nie stali adkładvać pieramovy i vyrašyli pravieści videasustreču.
«Na žal, nie atrymałasia ažyćciavić moj aficyjny vizit u Varšavu z 19 pa 20 sakavika. Ale dobra, što technałohii tak daloka stupili, i my možam pravodzić sustreču takim čynam», — skazaŭ Uładzimir Makiej.
«Ja trenirujusia na hetych technałohijach», — pažartavaŭ u adkaz jaho polski kaleha.
Kiraŭnik biełaruskaha MZS paćvierdziŭ hatoŭnaść naviedać ź vizitam Varšavu, kali źjavicca takaja mahčymaść, padkreśliŭšy, što tem dla razmovy bolš čym dastatkova.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary