Міністр замежных спраў Беларусі Уладзімір Макей правёў у фармаце відэаканферэнцыі перамовы з міністрам замежных спраў Польшчы Яцэкам Чапутовічам і ўпаўнаважаным польскага ўрада па пытаннях стратэгічнай энергетычнай інфраструктуры Пятром Наімскім, перадае БелТА.
Як патлумачыў у пачатку відэаканферэнцыі Уладзімір Макей, у яго быў запланаваны візіт у Польшчу, але з-за развіцця сітуацыі з каранавірусам ён быў адменены. Міністры не сталі адкладваць перамовы і вырашылі правесці відэасустрэчу.
«На жаль, не атрымалася ажыццявіць мой афіцыйны візіт у Варшаву з 19 па 20 сакавіка. Але добра, што тэхналогіі так далёка ступілі, і мы можам праводзіць сустрэчу такім чынам», — сказаў Уладзімір Макей.
«Я трэніруюся на гэтых тэхналогіях», — пажартаваў у адказ яго польскі калега.
Кіраўнік беларускага МЗС пацвердзіў гатоўнасць наведаць з візітам Варшаву, калі з'явіцца такая магчымасць, падкрэсліўшы, што тэм для размовы больш чым дастаткова.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС8
Каментары