U tym liku i ź Biełarusi.
Hałoŭnym fihurantam spravy ab prodažy ŭ rabstva bolš za 130 žančyn, jakoje rasśleduje Vajennaje śledčaje ŭpraŭleńnie SKP Rasii, źjaŭlajecca pałkoŭnik Hałoŭnaha raźviedvalnaha ŭpraŭleńnia Hienštabu,
paviedamiŭ kiraŭnik VSU hienierał‑lejtenant justycyi Aleksandr Saročkin.
«Pavodle źviestak śledstva, kiraŭnikom mižnarodnaj złačynnaj hrupoŭki, členy jakoj zajmalisia prodažam za miažu žančyn, źjaŭlajecca pałkoŭnik HRU Minabarony», ‑ skazaŭ Saročkin.
Jon nahadaŭ, što ŭ kastryčniku 2008 hodu było skončanaje papiaredniaje śledstva pa spravie, abvinavačanymi pa jakim prachodziać 13 čałaviek, u tym liku hramadzianie Izraila, Małdavii i Rasii. Dziesiać čałaviek znachodziacca pad vartaj, jašče try — pad padpiskaj ab niavyjeździe.
«Materyjały hetaj kryminalnaj spravy — heta kala dvuchsot tamoŭ.Zaraz ich pierakładajuć na iŭryt», ‑‑ skazał hienierał, adznačyŭšy, što mienavita ŭ Izrail była pradadzienaja balšynia dziaŭčyn.
Pavodle źviestak śledstva, z 1999 pa 2007 hod padazravanyja vyvieźli ŭ Izrail, Italiju, Hiermaniju, Hrecyju, Niderłandy i Arabskija Emiraty i pradali ŭ seksualnaje rabstva bolš za 130 žančyn — hramadzianak Rasii, Uźbiekistanu, Małdavii, Ukrainy i Biełarusi.
Kamientary