Paśla mahistratury ciapier nie pojdzieš pracavać na zavod — zapracavali novyja praviły raźmierkavańniaŭ
Čytačy «Našaj Nivy» ź liku mahistrantaŭ źviarnuli ŭvahu na list, jaki rassyłaje pa VNU Ministerstva adukacyi — u im viedamstva prosić adspravazdačycca ab raźmierkavańni — padkreślena — u inavacyjnyja i adukacyjnyja śfiery.
Heta što, ciapier nielha pajści prosta pracavać? — pytajucca mahistranty.
My spytali ab hetym u Siarhieja Kaśpiaroviča, čyj podpis staić pad dakumientam. Jon uznačalvaje hałoŭnaje ŭpraŭleńnie prafiesijnaj adukacyi.
Kaśpiaroviča ździŭlaje, što dla vypusknikoŭ mahistratur heta stała adkryćciom.
«Raniej było dva padychody da roli mahistratury: praktykaaryjentavanaja i navukovaaryjentavanaja.
Z hetaha navučalnaha hoda pryncyp źmianiŭsia — ciapier adzinaja adukacyjnaja rola z uchiłam na navukaaryjentavanaść. My ličym, što dla praktyčnaj dziejnaści paŭnavartasnaha śpiecyjalista dosyć pieršaj stupieni vyšejšaj adukacyi, a ŭ mahistratury musiać vučycca tyja, chto ŭžo ažyćciaŭlaje niejki navukovy i tvorčy pošuk.
Tamu śfiera dziejnaści dla vypusknikoŭ mahistratury pavinna być takoj, kab jana zadavalniała patreby ŭ navukovaj i inavacyjnaj dziejnaści. Pra heta davodziłasia ŭsim, chto pastupaŭ u mahistraturu. Jość, praŭda, niekatoryja śpiecyjalnaści, dzie zastałosia praktykaaryjentavanaje navučańnie — jany hety hod davučvajucca pa starych praviłach», — skazaŭ Kaśpiarovič.
Kamientary