Padatkovyja kanikuły, adterminoŭka pa kamunalnych, dystancyjnaja praca: urad rychtuje płan padtrymki biznesu i nasielnictva
U Biełarusi raspracoŭvajucca kropkavyja miery padtrymki subjektaŭ haspadarańnia i ludziej, jakija apynulisia ŭ składanaj ekanamičnaj situacyi z-za karanavirusa. Pra heta paviedamiŭ BiełTA staršynia Pastajannaj kamisii Pałaty pradstaŭnikoŭ pa ekanamičnaj palitycy Leanid Bryč.
Kompleks ekanamičnaj padtrymki budzie realizavany ŭ niekalki etapaŭ. Viadziecca padrychtoŭka adpaviednaha ŭkaza. U pryvatnaści, razhladajucca mahčymaści pieranosu terminaŭ vypłaty padatkaŭ, pradastaŭleńnia prava miascovym savietam uvodzić panižalnyja kaeficyjenty pa majomasnych padatkach, praviadzieńnia padatkovych kanikuł dla IP i samazaniatych. Jašče adnoj dziejsnaj mieraj moža stać pavieličeńnie terminaŭ zamiežnahandlovych apieracyj da 280 kalandarnych dzion.
«My prapanujem prypynić vypłaty sum asnoŭnaha doŭhu i pracentaŭ pa kredytach, dać małomu i siaredniamu biźniesu kanikuły na vypłatu kamunalnych pasłuh. Jašče adzin z varyjantaŭ padtrymki — prapanavać paciarpiełym z-za pandemii akcyjaniernym tavarystvam pravieści dadatkovuju emisiju pryvilejavanych akcyj z nastupnym nabyćciom ich dziaržavaj ź biezumoŭnym pravam vykupu ŭ poŭnym abjomie, kali situacyja narmalizujecca», — adznačyŭ Leanid Bryč.
Taksama praduhledžvajecca spraščeńnie paradku i ŭmoŭ dziaržaŭnaj sacyjalnaj dapamohi siemjam, jakija ŭ ciapierašnich umovach stracili prybytak. Siarod prefierencyj možna nazvać i vyzvaleńnie ad pieni (da šaści miesiacaŭ) u vypadku niesvoječasovaj apłaty kamunalnych pasłuh.
Źviernuli ŭvahu raspracoŭščyki płana i na mahčymaści zabieśpiačeńnia addalenaj pracy pradpryjemstvaŭ i dystancyjnaha navučańnia školnikaŭ i studentaŭ.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary