Pra heta paviedamiła namieśnik kiraŭnika Administracyi prezidenta Volha Čuprys na telekanale «Biełaruś 1», kamientujučy padrychtoŭku prapanoŭ pa karekciroŭcy Kodeksa ab administracyjnych pravaparušeńniach, paviedamlaje BiełTA.
«Što prahučała raniej nie tak akcentavana, heta pytańnie, jakoje tyčycca dekryminalizacyi šerahu kryminalnych złačynstvaŭ. Kodeks ab administracyjnych pravaparušeńniach vielmi ciesna źviazany z Kryminalnym kodeksam — ciapier užo piać całkam dakładna buduć dekryminalizavać, naprykład, samavolnaje zaniaćcie ziamielnych učastkaŭ», — adznačyła Volha Čuprys.
Akramia taho, miarkujecca spraścić dakazvańnie pa kryminalnaj spravie, kali vykarystoŭvajucca mabilnyja zapisvajučyja pryłady. «Naprykład, supracoŭniki orhanaŭ unutranych spraŭ buduć chadzić sa śpiecyjalnymi zapisvajučymi pryładami. I niama nieabchodnaści niešta paćviardžać, tamu što jany zafiksavali fakt administracyjnaha pravaparušeńnia, jon zapisany», — patłumačyła Volha Čuprys.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie24
Kamientary