Sialanie ŭ Pieru ŭziali ŭ pałon ludziej, jakija «stavili viežy 5G»
Sialanie z rehijona Uankavielika (Pieru) ŭziali ŭ pałon vaśmiarych rabotnikaŭ, jakija ramantavali antenu niepadalok ad ich pasiołka, piša bbc.com.
Sialanie pamyłkova vyrašyli, što tyja staviać vyški mabilnaj suviazi 5G.
Vidavočna, jany źjaŭlajucca prychilnikami kanśpirałahičnych teoryj ab tym, što hetaja technałohija dapamahaje pašyrać karanavirus.
Navukoŭcy ŭžo nieadnarazova admaŭlali takija śćviardžeńni.
«Ideja ab tym, što 5G pryhniataje vašu imunnuju sistemu, nie vytrymlivaje krytyki», — raspaviadaŭ doktar Sajman Kłark, prafiesar kletačnaj mikrabijałohii va Univiersitecie Redynha.
Pavodle jaho słoŭ, choć vielmi mocnyja radyjochvali mohuć vyklikać pavyšeńnie tempieratury, 5G navat pryblizna nie nastolki mahutnyja, kab niejkim čynam paŭpłyvać na ludziej.
Sialanie ź Pieru nie vypuskajuć pałonnych užo niekalki dzion — pra heta raspavioŭ pradstaŭnik kampanii, u jakoj jany pracujuć.
Pieruanskija ŚMI paviedamlajuć, što sialanie hatovyja vyzvalić rabočych tolki paśla taho, jak ź ich miascovaści prybiaruć anteny.
Niahledziačy na abviaržeńni navukoŭcaŭ i ich zakliki nie vieryć u iłžyvyja teoryi, ideja ab škodnaści technałohii 5G da hetaha času karystajecca papularnaściu.
U roznych krainach fiksujuć vypadki padpałaŭ viežaŭ 5G, a ŭ internecie navat pačali pradavacca pryłady, jakija «abaraniajuć» ad hetaj technałohii.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary