Cichanoŭskaja: Dosyć ździekavacca z majho muža i cisnuć na jaho!

Paśla vychadu z karcara Siarhieja Cichanoŭskaha źmiaścili nie ŭ tuju kamieru, u jakoj jon znachodziŭsia raniej, a ŭ kamieru na 15 čałaviek. Źniavolenyja znoŭ admovilisia jaho prymać i znoŭ zapatrabavali «dokazaŭ» suprać čutak pra nibyta «nizki sacyjalny status». Pra heta TUT.BY raspaviała kandydatka ŭ prezidenty Śviatłana Cichanoŭskaja. Jana patrabuje spynić ździeki ź jaje muža.

— U aŭtorak Siarhiej vyjšaŭ z karcara. A ŭ sieradu ŭ jaho byŭ advakat, i muž raspavioŭ, što paśla karcara jaho paviali nie ŭ tuju kamieru, u jakoj jon znachodziŭsia raniej, a ŭ kamieru na 15 čałaviek. I tyja źniavolenyja znoŭ admovilisia jaho prymać i znoŭ zapatrabavali «dokazaŭ» suprać čutak pra nibyta «nizki sacyjalny status». Tolki tady jaho źmiaścili ŭ kamieru adnaho.

Nočču supracoŭnik SIZA jaho niekalki razoŭ budziŭ, davaŭ ukazańni pierachodzić z adnaho spalnaha miesca na inšaje. Składana nazvać razumnyja padstavy dla takoha staŭleńnia, ale ja dumaju, što heta reakcyja na toje, što na minułym tydni ŭ sudzie razhladalisia skarhi Cichanoŭskaha na SIZA. Ja vieru, što Siarhieja takimi mietadami nie złamać. Ale jon pastaŭleny ŭ takija ŭmovy, što pad pahrozaj jaho zdaroŭje i žyćcio. Ja źviartajusia da ŭsich, ad kaho heta zaležyć: dosyć ździekavacca z majho muža i akazvać cisk na jaho! — zajaviła Cichanoŭskaja.

Kandydat u prezidenty padała ŭ Śledčy kamitet zajavu ab spatkańni.

— Mnie patrebnaja sustreča ź Siarhiejem nie tolki jak z maim mužam, ale i jak z davieranaj asobaj kandydata ŭ prezidenty Biełarusi, — kaža Śviatłana Cichanoŭskaja.

Advakat błohiera Viktar Mackievič raspavioŭ TUT.BY, što na hetym tydni jon sustrakaŭsia ź Cichanoŭskim štodnia.

Jon tłumačyć, što situacyja dla Cichanoŭskaha ŭ SIZA nie mianiajecca, ale idzie pa kole: znoŭ karcar, paśla jaho — kamiera, dzie sukamierniki pradjaŭlajuć da jaho pretenzii, jakija vychodziać za ramki zakona, i tolki paśla hetaha jaho źmiaścili asobna.

— Bolš za toje, u horšy bok źmianilisia ŭmovy našych ź im sustreč. Kali da hetaha tydnia na praciahu miesiaca nam była pradastaŭlena mahčymaść sustrakacca ŭ śpiecyjalna pryznačanych dla hetaha kabinietach, to z paniadziełka maje sustrečy ź Cichanoŭskim i navat pracesualnaje dziejańnie sa śledčym, jaki pravodzić pravierku pa fakcie jaho zatrymańnia, pieranieśli ŭ pamiaškańnie dla spatkańniaŭ źniavolenych sa svajakami, dzie niama ŭmoŭ dla akazańnia adekvatnaj jurydyčnaj dapamohi, zachavańnia advakackaj tajamnicy i tajamnicy śledstva, i heta ŭžo nie apraŭdana epidemijałahičnaj situacyjaj, — zajaviŭ Mackievič.

• 0
• 0
• 0
• 0
• 0
• 0
• 0
• 0