Piaskoŭ: Maskva nie ŭmiešvajecca ŭ vybary ŭ Biełarusi, ale cenić prychilnikaŭ intehracyi
U Kramli nie ŭmiešvalisia i nie źbirajucca ŭmiešvacca ŭ pieradvybarčuju prezidenckuju kampaniju ŭ Biełarusi, vysoka ceniać pradstaŭnikoŭ hetaj dziaržavy, jakija vystupajuć za dalejšuju intehracyju z Rasijaj i na postsavieckaj prastory, zajaviŭ pres-sakratar prezidenta RF Dźmitryj Piaskoŭ, paviedamlaje «Interfaks».
U chodzie razmovy z žurnalistami ŭ aŭtorak jaho spytali, «ci pryhladajecca Kreml da supiernikaŭ» ciapierašniaha prezidenta Biełarusi na budučych vybarach i ci vybudoŭvaje mahčymuju budučuju stratehiju ŭzajemadziejańnia ź imi.
«Vybary jašče nie adbylisia. Acenki pieradvybarnaj kampanii my nie dajom. My nie ŭmiešvajemsia va ŭnutranyja spravy našaha najbližejšaha sajuźnika i nie budziem hetaha rabić i dalej. Dla nas važnaja Biełaruś, dla nas važnaja Sajuznaja dziaržava, dla nas važny praciah intehracyjnych pracesaŭ jak u ramkach SND, JeŭrAzES, tak i na dvuchbakovym uzroŭni.
I, biezumoŭna, my vysoka cenim tych pradstaŭnikoŭ sajuznaj Biełarusi, jakija adkazvajuć u hetym płanie ŭzajemnaściu, jakija taksama źjaŭlajucca prychilnikami dalejšaha pahłybleńnia našych sajuznych adnosin», — skazaŭ Piaskoŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary