Пяскоў: Масква не ўмешваецца ў выбары ў Беларусі, але цэніць прыхільнікаў інтэграцыі
У Крамлі не ўмешваліся і не збіраюцца ўмешвацца ў перадвыбарчую прэзідэнцкую кампанію ў Беларусі, высока цэняць прадстаўнікоў гэтай дзяржавы, якія выступаюць за далейшую інтэграцыю з Расіяй і на постсавецкай прасторы, заявіў прэс-сакратар прэзідэнта РФ Дзмітрый Пяскоў, паведамляе «Інтэрфакс».
У ходзе размовы з журналістамі ў аўторак яго спыталі, «ці прыглядаецца Крэмль да супернікаў» цяперашняга прэзідэнта Беларусі на будучых выбарах і ці выбудоўвае магчымую будучую стратэгію ўзаемадзеяння з імі.
«Выбары яшчэ не адбыліся. Ацэнкі перадвыбарнай кампаніі мы не даём. Мы не ўмешваемся ва ўнутраныя справы нашага найбліжэйшага саюзніка і не будзем гэтага рабіць і далей. Для нас важная Беларусь, для нас важная Саюзная дзяржава, для нас важны працяг інтэграцыйных працэсаў як у рамках СНД, ЕўрАзЭС, так і на двухбаковым узроўні.
І, безумоўна, мы высока цэнім тых прадстаўнікоў саюзнай Беларусі, якія адказваюць у гэтым плане ўзаемнасцю, якія таксама з'яўляюцца прыхільнікамі далейшага паглыблення нашых саюзных адносін», — сказаў Пяскоў.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары