U suviazi z tym, što pravaabaroncam stała viadoma, što błohier telehram-kanała «Armija z narodom» Siarhiej Koršun abvinavačvajecca pa č. 1 i č. 2 art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak), pravaabarončaja supolnaść Biełarusi zajaŭlaje ab pryznańni jaho palityčnym źniavolenym, paviedamlaje spring96.org.
Zhodna z vystaŭlenymi abvinavačvańniami Siarhiej Koršun abvinavačvajecca ŭ arhanizacyi i padrychtoŭcy hrupavych dziejańniaŭ, jakija hruba parušali hramadski paradak pry praviadzieńni pikieta pa zbory podpisaŭ inicyjatyŭnaj hrupaj pa vyłučeńni ŭ jakaści kandydata ŭ Prezidenty Śviatłany Cichanoŭskaj 29 maja 2020 h. u h. Hrodna i takim čynam źjaŭlajecca čarhovym fihurantam tak zvanaj «spravy Cichanoŭskaha».
Pry pryniaćci hetaha rašeńnia pravaabaroncy kiravalisia raniej pryniatymi zajavami biełaruskaj pravaabarončaj supolnaści ad 1, 9 i 11 červienia 2020 hoda ab pryznańni palitźniavolenymi fihurantaŭ «spravy Cichanoŭskaha».
Na padstavie hetaha biełaruskija pravaabaroncy patrabujuć ad biełaruskich uładaŭ nieadkładnaha vyzvaleńnia Siarhieja Koršuna i spynieńnia raspačataha ŭ dačynieńni da jaho kryminalnaha pieraśledu.
Siarhiej Koršun byŭ zatrymany milicyjaj 21 lipienia ŭ Minsku razam ź jašče adnym błohieram telehram-kanała «Armija z narodam» Siarhiejem Łukjanavym.
Z taho času Siarhiej Koršun znachodzicca pad vartaj ŭ SIZA №1.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary