«Biełsat» u dzień vybaraŭ praviadzie 18-hadzinny žyvy efir — dastupny i praz spadarožnik
U dzień vybaraŭ prezidenta Biełarusi, 9 žniŭnia, ad 8:00 «Biełsat» praviadzie 18-hadzinny žyvy efir.
Žurnalisty «Biełsata» buduć pracavać u štabach usich alternatyŭnych kandydataŭ, adkul ciaham dnia arhanizujuć žyvyja ŭklučeńni.
«Našy žurnalisty buduć sačyć za padziejami dy vychodzić z nami na suviaź z usich rehijonaŭ Biełarusi i pa-za jaje miežami: z Ukrainy, Rasii, Litvy, Polščy, Niamieččyny, Šviecyi, Šviejcaryi. Viedajem, što peŭny kłopat z rehistracyjaj dla hałasavańnia našych hramadzianaŭ byŭ u Polščy, tamu pahladzim, jak ambasady ŭ inšych krainach padrychtavanyja da praviadzieńnia vybaraŭ», — raspaviadaje kiraŭnik redakcyi infarmacyi Źmicier Jahoraŭ.
«Biełsat» daść mahčymaść vybarnikam vykazvacca ŭ našych strymach, apytańniach ci kamunikavać z nami ŭ sacyjalnych sietkach. «Toje, što napišuć hledačy ŭ našych akaŭntach u sacsietkach, viadoŭcy buduć začytvać u efiry», — dadaje Źmicier Jahoraŭ.
My taksama padrychtavanyja da taho, što ŭ Biełarusi mohuć błakavać internet. Kali jaho adklučać całkam, «Biełsat» možna hladzieć praz spadarožnik «Astra 4A» (raniejšaja nazva — «Sirius 4»), — nahadvaje telekanał.
Kamientary