Lelčycki milicyjanier‑hvałtaŭnik pryhavorany da dzieviaci hadoŭ pazbaŭleńnia voli
Sud Lelčyckaha rajona admieraŭ jamu dzieviać hadoŭ pazbaŭleńnia voli.
21 krasavika sud Lelčyckaha rajona abviaściŭ pryhavor u dačynieńni da byłoha supracoŭnika rajonnaha adździeła departamienta achovy, jaki abvinavačvajecca va ŭčynieńni dvuch zhvałtavańniaŭ.
Abvinavačany pryhavorany da 9 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
Słuchańni prachodzili ŭ zakrytym režymie. Jak paviedamiła BiełaPAN sudździa Alena Ramanoŭskaja, sud poŭnaściu zadavoliŭ isk adnoj z paciarpiełych — 15‑hadovaj miascovaj žycharki — ab kampiensacyi ŭronu ŭ pamiery 5 młn. rubloŭ, a taksama častkova zadavoliŭ isk druhoj paciarpiełaj — žycharki Minskaha rajona — ab kampiensacyi ŭronu ŭ pamiery 8 młn. (isk padavaŭsia na 15 młn.) rubloŭ.
Jak paviedamlałasia raniej, złačynstva było ŭčyniena nočču 18 studzienia 2009 hoda ŭ biezhaspadarčaj pabudovie staroj carkvy ŭ Lelčycach i padvale doma. Mužčyna źbiŭ i zhvałtavaŭ 15‑hadovuju žycharku rajcentra.
Pa hetym fakcie prakuraturaj Lelčyckaha rajona była raspačata sprava pa č. 1 art. 166 Kryminalnaha kodeksa (zhvałtavańnie). Było ŭstanoŭlena, što złačynstva ŭčyniŭ 25‑hadovy supracoŭnik departamienta achovy MUS adnaho z rajonnych adździełaŭ Homielskaj vobłaści. 10 lutaha jon byŭ zatrymany.
Paśla pradjaŭleńnia abvinavačańnia milicyjanier pryznaŭsia ŭ złačynstvie. Praviedziena hienatypaskapičnaja ekśpiertyza, jakaja paćvierdziła zamiešanaść mužčyny va ŭčynieńni złačynstva. Psichijatryčnaja ekśpiertyza pryznała, što jon pry śviadomaści.
U chodzie śledstva ekśpiertyza paćvierdziła dačynieńnie supracoŭnika milicyi da jašče adnaho zhvałtavańnia, učynienaha ŭ
žniŭni 2007 hoda ŭ Minskaj vobłaści.Tady ŭ pamiaškańni puciavoha pasta stancyi Asiejeŭka ŭ Minskim rajonie była zhvałtavana žančyna.
Kamientary