Суд Лельчыцкага раёна адмераў яму дзевяць гадоў пазбаўлення волі.
21 красавіка суд Лельчыцкага раёна абвясціў прыгавор у дачыненні да былога супрацоўніка раённага аддзела дэпартамента аховы, які абвінавачваецца ва ўчыненні двух згвалтаванняў.
Абвінавачаны прыгавораны да 9 гадоў пазбаўлення волі з адбываннем пакарання ў калоніі ўзмоцненага рэжыму.
Слуханні праходзілі ў закрытым рэжыме. Як паведаміла БелаПАН суддзя Алена Раманоўская, суд поўнасцю задаволіў іск адной з пацярпелых — 15‑гадовай мясцовай жыхаркі — аб кампенсацыі ўрону ў памеры 5 млн. рублёў, а таксама часткова задаволіў іск другой пацярпелай — жыхаркі Мінскага раёна — аб кампенсацыі ўрону ў памеры 8 млн. (іск падаваўся на 15 млн.) рублёў.
Як паведамлялася раней, злачынства было ўчынена ноччу 18 студзеня 2009 года ў безгаспадарчай пабудове старой царквы ў Лельчыцах і падвале дома. Мужчына збіў і згвалтаваў 15‑гадовую жыхарку райцэнтра.
Па гэтым факце пракуратурай Лельчыцкага раёна была распачата справа па ч. 1 арт. 166 Крымінальнага кодэкса (згвалтаванне). Было ўстаноўлена, што злачынства ўчыніў 25‑гадовы супрацоўнік дэпартамента аховы МУС аднаго з раённых аддзелаў Гомельскай вобласці. 10 лютага ён быў затрыманы.
Пасля прад’яўлення абвінавачання міліцыянер прызнаўся ў злачынстве. Праведзена генатыпаскапічная экспертыза, якая пацвердзіла замешанасць мужчыны ва ўчыненні злачынства. Псіхіятрычная экспертыза прызнала, што ён пры свядомасці.
У ходзе следства экспертыза пацвердзіла дачыненне супрацоўніка міліцыі да яшчэ аднаго згвалтавання, учыненага ў
жніўні 2007 года ў Мінскай вобласці.Тады ў памяшканні пуцявога паста станцыі Асееўка ў Мінскім раёне была згвалтавана жанчына.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м99
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары