Arkadź Dobkin napisaŭ list-zvarot da supracoŭnikaŭ EPAM z nahody padziejaŭ u Biełarusi

Arkadź Dobkin napisaŭ učora list-zvarot da supracoŭnikaŭ EPAM z nahody padziejaŭ, jakija adbyvajucca ŭ Biełarusi. Dev.by pryvodzić tekst u pierakładzie z anhlijskaj.

— Na praciahu apošnich niekalkich dzion usie vy bačyli ci čuli pra pratesty, jakija adbyvajucca ŭ Biełarusi paśla prezidenckich vybaraŭ, albo mieli znosiny ź ludźmi, jakich zakranuli hetyja padziei. Dla niekatorych z vas abvastreńnie situacyi siońnia i na minułych vychodnych stała kulminacyjaj łancužka pracesaŭ, jakija papiaredničali vybaram. Inšyja nie čakali, što chvalavańni dasiahnuć takich maštabaŭ i tak hłyboka zakranuć vašyja siemji, siabroŭ i kalehaŭ.

Usia kiroŭnaja kamanda EPAM pilna sočyć za raźvićciom situacyi i imhnienna reahuje na jaje. U hetym hodzie my pieraadolvali šmatlikija vykliki, źviazanyja z roznymi nieardynarnymi abstavinami, uklučajučy pandemiju karanavirusa, pratesty ŭ ZŠA i prablemy ŭ inšych krainach śvietu.

Siońnia my sutyknulisia ź biesprecedentnaj padziejaj dla Biełarusi, dzie JERAM pačynaŭsia i dzie znachodzicca siońnia najbujniejšy centr raspracoŭki kampanii.

U siłu našaha papiaredniaha vopytu i śpiecyjalnaha płana raboty ŭ niepradbačanych situacyjach, raspracavanaha ŭ kampanii dla zabieśpiačeńnia bieśpierapynnaj pracy ŭ vypadku fors-mažornych abstavinaŭ, biahučaje stanovišča spraŭ pakul jašče nie adbivajecca značnym čynam na klijentach. U toj ža čas my ŭžo atrymali šerah zapytaŭ i čakajem, što ich patok budzie raści.

U zaležnaści ad dalejšaha raźvićcia padziej my budziem prymać rašeńni ab nieabchodnaści nastupnych krokaŭ.

Na siońnia my adnavili pracu šmatlikich ofisaŭ, kab zabiaśpiečyć supracoŭnikaŭ suviaźziu ŭ pracoŭnych i asabistych metach. Našy ofisy buduć funkcyjanavać u jakaści placovak dla praviadzieńnia sustreč i pracy, adnak my zaklikajem vas umierana karystacca sacsietkami i stryminhavymi servisami, kab źnizić nahruzku na sietki.

My prosim tych z vas, chto vyjšaŭ na vulicy, pierš za ŭsio dumać pra svaju biaśpieku. My chočam i budziem dapamahać tym, čyje rodnyja byli niespraviadliva zatrymanyja abo paciarpieli jakim-niebudź inšym čynam.

Sfarmavanyja niekalki hrup padtrymki ŭ kryzisnych situacyjach ź liku kalehaŭ, jakija hatovyja adhuknucca i zrabić usio mahčymaje, kab dapamahčy vam u ciapierašnich abstavinach.

Z hetaj metaj EPAM arhanizavała haračuju liniju, na jakuju ŭ ekstrannym vypadku mohuć źviarnucca vašy blizkija.

My prosim vas pieradać hetym ludziam numar našaj haračaj linii i skazać im, što pry nieabchodnaści jany mohuć patelefanavać na jaje.

Pakul u nas niama adkazaŭ na niekatoryja z vašych najbolš vostrych pytańniaŭ pra toje, što budzie adbyvacca ŭ dalejšym.

Ale my zrobim usio, što ŭ našych siłach, kab dapamahčy! Biaśpieku i zdaroŭje vas i vašych rodnych, roŭna jak i vaša budučynia, — naš pryjarytet.

Siońnia Biełaruś ujaŭlaje saboj nie prosta najbujniejšy centr EPAM. Biełaruś — častka DNK kampanii i najvažniejšy kampanient jaje stratehii rostu.

Bieražycie siabie, turbujciesia pra siabie i adzin pra adnaho. My z vami i my zrobim usio mahčymaje, kab spravicca z hetym.

• 0
• 0
• 0
• 0
• 0
• 0
• 0
• 0