Viber praciahvaje ŭvažliva sačyć za situacyjaj u Biełarusi. Pra heta zajaviŭ Džamieł Ahaua, hienieralny dyrektar kampanii, piša Tut.by.
Voś jaki list apublikavaŭ Ahaua:
- My vielmi zaniepakojenyja paviedamleńniami pra toje, što tysiačy ludziej paciarpieli na vulicach svaich rodnych haradoŭ. Dvoje našych supracoŭnikaŭ byli zatrymanyja pa nieviadomych pryčynach, adzin ź ich byŭ špitalizavany ŭ vyniku siłavoha zatrymańnia. Heta nieprymalna ŭ 2020 hodzie, i my nie možam dapuścić, kab supracoŭniki našaj kampanii žyli ŭ atmaśfiery strachu i hvałtu.
Viber budzie padtrymlivać ich stolki, kolki spatrebicca, i taksama praciahnie prykładać usie namahańni dla taho, kab naša płatforma praciahvała pracavać dla miljonaŭ našych karystalnikaŭ, jakija majuć patrebu ŭ nas bolš, čym kali-niebudź. My suprać lubych formaŭ hvałtu i chočam praciahvać inviestavać u krainu, dzie ludzi nie žyvuć u strachu. My lubim Biełaruś, i našy sercy z žycharami krainy.
Kamientary