U Radzie Jeŭropy zaklikali biełaruskija ŭłady nieadkładna spynić parušać pravy čałavieka, pakolki ich vykanańnie — mižnarodny abaviazak Biełarusi, piša Radyjo Svaboda.
«Biełaruś nie jość dziaržavaj — udzielnicaj Rady Jeŭropy, ale jana, jak i lubaja inšaja kraina, nie pavinna ihnaravać svaje mižnarodnyja abaviazki ŭ halinie pravoŭ čałavieka i niasie poŭnuju adkaznaść u vypadku parušeńnia hetych pravoŭ, asabliva kali heta adbyvajecca sistematyčna», — skazana ŭ zajavie pradstaŭnicy Rady Jeŭropy ŭ pravach čałavieka Dunia Mijatavič.
«Mižnarodnaja supolnaść, uklučajučy Radu Jeŭropy, moža adyhrać važnuju rolu, abjadnaŭšy svaje namahańni i ŭžyŭšy zachady, kab hetyja parušeńni nie zastalisia biespakaranymi. Ja vitaju ŭsie zroblenyja apošnim časam kroki, u pryvatnaści, zapusk Maskoŭskaha miechanizmu ABSIE (pa stvareńni niezaležnaj manitorynhavaj misii dla vyśviatleńnia faktaŭ adnosna padziejaŭ u Biełarusi)», — padkreśliła jana.
Ci hatovy Kavaleŭski vieści pieramovy ź Viktaram Łukašenkam?24
Kamientary