Łaziernaja zbroja ciapier na BTRach. Adzin streł — minus adzin dron
Armija ZŠA praviała paśpiachovyja vyprabavańni vysokadakładnaj łaziernaj supraćdronavaj zbroi na płatformie bronietransparciora Stryker. Mašyny hetaj madeli aktyŭna vykarystoŭvajucca ŭ vajnie va Ukrainie.
Amierykanskija vajenna-pramysłovyja kampanii Leonardo DRS i BlueHalo za vosiem miesiacaŭ stvaryli šmatuzroŭnievy supraćdronavy kompleks C-UAS. U jaho skład uvachodziać kiravany bajavy modul z aŭtamatyčnaj harmataj XM914 i vysokadakładnyja rakiety APKWS II.
Niekinietyčnaja častka sistemy pradstaŭlenaja ekśpierymientalnaj łaziernaj harmataj Locust. Jana maje vysokuju dakładnaść i ŭzmocnienuju ŭdarnuju mahutnaść u 26 kVt. Adna harmata Locust kaštuje 10 miljonaŭ dalaraŭ (33 miljony biełaruskich rubloŭ), ale košt adnaho jaje strełu, jaki harantavana źniščaje i paškodžvaje bieśpiłotniki roznych pamieraŭ i typaŭ, składaje ŭsiaho 3 dalary, pieradaje vydańnie Interesting Engineering.
Usia sistema C-UAS razam z harmataj Locust zdolnaja adsočvać i paražać lubyja BPŁA vahoj da 600 kiłahram z dapamohaj radara, a taksama padaŭlać małyja kvadrakoptary dziakujučy srodkam radyjoelektronnaj baraćby.
Padčas demanstracyi ŭ minułym miesiacy na palihonie ŭ amierykanskim štacie Ńju-Mieksika adzin BTR Stryker, madyfikavany kompleksam C-UAS, paśpiachova źniščyŭ usie bieśpiłotniki, adnačasova viedučy boj z celami na ziamli, adznačaje kampanija-raspracoŭščyk Leonardo DRS.
Mašyna, niahledziačy na madyfikacyju, nie straciła zdolnaści pieravozić desant da 9 čałaviek.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary
" Čiem moŝnieje impuls, tiem narabotka mieńšie." Voobŝie briediatina . Eto nie batariejka ) . Jeśli moŝnosť nie prievyšajet maksimalno dopustimuju , to , k primieru , u połuprovodnikovych struktur - riesurs bieskoniečien . V masštabach čiełoviečieskoj žiźni .