Bałaba: Na naša ździŭleńnie, da katehoryi radykalna nastrojenych naležyć šerah hramadzian z dobrym dastatkam
Kamandzir minskaha AMAPa Dźmitryj Bałaba daŭ intervju haziecie «Na stražie», u jakim raspavioŭ pra ŭdzielnikaŭ akcyj pratestu i traŭmy milicyi, piša Tut.by.
— Anarchisty, futbolnyja fanaty — absalutna dakładna adny z samych aktyŭnych udzielnikaŭ subotnich i niadzielnych pratestaŭ. Im nie hetak važna, za što vystupać, hałoŭnaje — suprać. Maładyja ludzi, jakija jašče nie vyznačylisia z prafiesijaj, taksama niaredka pravakujuć vartavych paradku.
Da katehoryi radykalna nastrojenych, na naša ździŭleńnie, naležyć i šerah hramadzian z dobrym dastatkam. Jak praviła, hetyja ludzi pracujuć na zamiežnyja kampanii i intehravanyja ŭ asiarodździe, dzie prapahandujecca inšaja ideałohija, inšyja kaštoŭnaści, inšy ŭkład žyćcia. Naŭrad ci chto-niebudź ź ich zadumvajecca, ci možna, a hałoŭnaje, ci varta prajecyravać usio heta na Biełaruś. A prymaŭka «što ruskamu dobra, to niemcu śmierć» źjaviłasia niezdarma, — zajaviŭ Bałaba.
Jon miarkuje, što biez «padsiłkoŭvańnia zamiežnych internet-resursaŭ pratesty pastupova syduć na ništo».
Dźmitryj Bałaba zajaviŭ, što ŭ adnym Minsku ŭ noč z 9-ha na 10-ha žniŭnia traŭmy atrymali dziasiatki pravaachoŭnikaŭ.
— Adnak u apazicyjnych ŚMI tyražavali i praciahvajuć tyražavać infarmacyju tolki ab paciarpiełych udzielnikach mitynhaŭ. Nie dumaju, što my tut pavinny niejak apraŭdvacca.
Pavodle jaho słoŭ, «kałasalnuju rolu ŭ abaronie naroda» adyhraŭ načalnik HUUS Minharvykankama Ivan Kubrakoŭ.
— Mienavita dziakujučy tamu, jak pravilna raźmiarkoŭvalisia siły i srodki, była zabiaśpiečana biaśpieka žycharoŭ i haściej stalicy, u tym liku — udzielnikaŭ niesankcyjanavanych mierapryjemstvaŭ, — zajaviŭ kamandzir AMAPa.
-
«Uziała ich ceły miech». Biełaruska pakazała, jakija pradukty pryvozić z Polščy, i spravakavała burnuju dyskusiju
-
Alaksandr Kabanaŭ patłumačyŭ, čamu bolš nie kamunikuje z byłym kalehaj Siarhiejem Piatruchinym
-
U Maładziečnie ŭ pustym vahonie znajšli 27-hadovaha amierykanca, jaki nielehalna trapiŭ u Biełaruś ź Litvy
Ciapier čytajuć
U Maładziečnie ŭ pustym vahonie znajšli 27-hadovaha amierykanca, jaki nielehalna trapiŭ u Biełaruś ź Litvy10
Kamientary