Балаба: На наша здзіўленне, да катэгорыі радыкальна настроеных належыць шэраг грамадзян з добрым дастаткам
Камандзір мінскага АМАПа Дзмітрый Балаба даў інтэрв'ю газеце «На страже», у якім распавёў пра ўдзельнікаў акцый пратэсту і траўмы міліцыі, піша Tut.by.
— Анархісты, футбольныя фанаты — абсалютна дакладна адны з самых актыўных удзельнікаў суботніх і нядзельных пратэстаў. Ім не гэтак важна, за што выступаць, галоўнае — супраць. Маладыя людзі, якія яшчэ не вызначыліся з прафесіяй, таксама нярэдка правакуюць вартавых парадку.
Да катэгорыі радыкальна настроеных, на наша здзіўленне, належыць і шэраг грамадзян з добрым дастаткам. Як правіла, гэтыя людзі працуюць на замежныя кампаніі і інтэграваныя ў асяроддзе, дзе прапагандуецца іншая ідэалогія, іншыя каштоўнасці, іншы ўклад жыцця. Наўрад ці хто-небудзь з іх задумваецца, ці можна, а галоўнае, ці варта праецыраваць усё гэта на Беларусь. А прымаўка «што рускаму добра, то немцу смерць» з'явілася нездарма, — заявіў Балаба.
Ён мяркуе, што без «падсілкоўвання замежных інтэрнэт-рэсурсаў пратэсты паступова сыдуць на нішто».
Дзмітрый Балаба заявіў, што ў адным Мінску ў ноч з 9-га на 10-га жніўня траўмы атрымалі дзясяткі праваахоўнікаў.
— Аднак у апазіцыйных СМІ тыражавалі і працягваюць тыражаваць інфармацыю толькі аб пацярпелых удзельніках мітынгаў. Не думаю, што мы тут павінны неяк апраўдвацца.
Паводле яго слоў, «каласальную ролю ў абароне народа» адыграў начальнік ГУУС Мінгарвыканкама Іван Кубракоў.
— Менавіта дзякуючы таму, як правільна размяркоўваліся сілы і сродкі, была забяспечана бяспека жыхароў і гасцей сталіцы, у тым ліку — удзельнікаў несанкцыянаваных мерапрыемстваў, — заявіў камандзір АМАПа.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары