Alaksandr Łukašenka siońnia zrobić rabočuju pajezdku pa Minskaj vobłaści. Ab hetym BIEŁTA paviedamili ŭ pres‑słužbie kiraŭnika dziaržavy.
Płanujecca, što prezident naviedaje VA «Biełaruśkalij» i prymie ŭdzieł u cyrymonii ŭvodu ŭ ekspłuatacyju Čyrvonasłabodskaha rudnika. [Čyrvonaja Słabada zvałasia da 1923 h. Vyzna, tamaka ŭ 1920 h. słuččaki trymali abaronu -- NN]
Budaŭničyja raboty pa adkryćciu Čyrvonasłabodskaha rudnika pačalisia ŭ studzieni 2003 hoda. U krasaviku 2009 hoda byŭ vydadzieny pieršy skip rudy. Ciapier akramia Čyrvonasłabodskaha ŭ składzie VA «Biełaruśkalij» dziejničajuć jašče čatyry kalijnyja rudniki.
Mahutnaści pa vytvorčaści kalijnych uhnajeńniaŭ na VA «Biełaruśkalij» skłali na 1 studzienia biahučaha hoda 5,13 młn.t u dziejučym rečyvie, abo 8,5 młn.t u fizičnaj vazie. Pa vynikach 2008 hoda kalijnyja ŭhnajeńni, jakija vypuskajucca pradpryjemstvam, ekspartavalisia ŭ 45 krain śvietu. Asnoŭnymi spažyŭcami byli Brazilija, Kitaj, Indyja, Polšča. VA «Biełaruśkalij» ekspartuje bolš jak 80 pracentaŭ vypuskanych kalijnych uhnajeńniaŭ.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary