Dacent žurfaka BDU praanalizavała teksty Mukavozčyka i dakazała: heta prapahanda
Dacent kafiedry miedyjałohii žurfaka BDU Inha Vojuš praviała linhvistyčnuju ekśpiertyzu artykułaŭ Andreja Mukavozčyka i dakazała, što teksty kałumnista «Sovietskoj Biełoruśsii» ŭjaŭlajuć saboj prapahandu.
Inha Dźmitryjeŭna praanalizavała 200 tekstaŭ Mukavozčyka za letni pieryjad hetaha hoda ź jaho aŭtarskaj kałonki «Nakipieła» ŭ SB, u jakich jon analizuje vybarčuju kampaniju.
Tolki pahladzicie, jakimi vyrazami Mukavozčyk apisvaje ŭ svaich kałonkach hramadskich dziejačaŭ, navukoŭcaŭ, žurnalistaŭ, hramadzian inšych krain:
- ubohije;
- pietiuni-pietuški;
- vruški- tutbajevki;
- obiezumievšije krysy;
- stierviatniki;
- padalŝiki;
- «svobodnyje niechty» s «motolkami hołovnoho mozha»;
- stojaŝije v očieriedi, čtoby nami vsiemi porukovodiť;
- biełociepkalnyje;
- prikolisty i pridurivajuŝiesia;
- karikatura na samich siebia;
- svora intiellektualnych bomžiej;
- hłavnyj štabist;
- polskije pokrovitieli niecht i motolek;
- každoje ničtožiestvo;
- naša flejtistka;
- čiełoviek, strastno chotiaŝij poruliť;
- vicie-korol dla chorošieho sumasšiedšieho;
- kłouny novojavlennoj rady.
«Naša Niva» spytała ŭ samoj Inhi Dźmitryjeŭny, čamu jana abrała takuju temu dla kanfierencyi i ci nie baicca vykładčyca nastupstvaŭ:
«Temu ja abrała jašče ŭ žniŭni, za niekalki miesiacaŭ da kanfierencyi. Heta štohadovaja kanfierencyja BDU, pa vynikach jakoj rychtujucca zborniki. Čamu abrała takuju temu? Heta vielmi jarkija teksty, ich ciažka nie zaŭvažyć. My ŭsie ich čytajem, usie ź imi znajomimsia. Heta aktualna — čamu nie analizavać toje, što na słychu?
Takija teksty zaŭsiody byli ŭ žurnalistycy. Sprava ŭ tym, što zaraz nie vielmi prajaŭlenyja takija satyryčnyja žanry, jak fieljeton, dapuścim. I chacia b adzin taki sučasny prykład u nas jość. Jašče padobnaje jość na telebačańni — prahrama «Jak jość».
Voś heta redkija prykłady, na jakich my možam navučyć studentaŭ, jak treba i jak nie treba stvarać satyryčnyja teksty.
Što pryjemna ŭ majoj situacyi — vidać, cikavaści da navuki stała bolej. Bo kanfierencyi jašče nie było, a analiz moj užo adšukali. Ja rada: kali heta papularyzuje navuku, to na zdaroŭje».
Inha Dźmitryjeŭna kaža, što nijakich pieraškod dla publikacyi analizu ŭ jaje nie było.
«U nas nie pryniata abmiažoŭvać navukovuju dziejnaść, navukovuju dumku. Sprava ŭ tym, što kali my ŭ navucy nie budziem asensoŭvać niejkija fienomieny, to što budzie tady z nastupnymi pakaleńniami navukoŭcaŭ? Jany ž pavinny viedać usie ciapierašnija źjavy. Voś navukoŭcy i źviartajucca da tych tem, jakija zaraz ich chvalujuć».
Inha Dźmitryjeŭna — adna z toj paŭsotni vykładčykaŭ BDU, što 9 listapada padpisali zvarot.
«Za zvalnieńnie nie bajusia i padtrymlivaju studentaŭ jak mahu. Pakul nijakich nastupstvaŭ majoj dziejnaści nie było», — udakładniaje vykładčyca.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje2424
Kamientary