Zaŭtra 23 traŭnia ŭ DK Minskaha traktarnaha zavodu ŭ zakrytym režymie adbudziecca pazačarhovy źjezd Partyi kamunistaŭ Biełaruskaj.
Zaŭtra 23 traŭnia ŭ DK Minskaha traktarnaha zavodu ŭ zakrytym režymie adbudziecca pazačarhovy źjezd Partyi kamunistaŭ Biełaruskaj.
Na źjeździe płanujecca razhlad varyjantaŭ novaj nazvy partyi. Tolki 9 z 49 siabroŭ CK prahałasavali za pakidańnie staroj.
Na dadzieny momant isnujuć šeść varyjantaŭ nazvy dla PKB: «Biełaruskaja partyja levych» (BPŁ), Partyja demakratyi i spraviadlivaści (PDS), Partyja «Novy kurs», Partyja «Radzima», Partyja «Spraviadlivaści i narodaŭładździe» (PSN), Partyja «Spraviadlivy śviet».
My zapytalisia ŭ lidera PKB Siarhieja Kalakina dziela čaho partyi treba mianiać nazvu.
«Tak zachacieli siabry PKB. I ja staŭlusia da hetaha vielmi pazityŭna, chacia spačatku adniośsia z naściarohaj. Potym arhumienty prychilnikaŭ pieranazvy mianie pierakanali. Na žal, siońnia słova «kamunizm» nie zaŭsiody stanoŭča ŭsprymajecca ŭnutry biełaruskaha hramadstva.Svaju rolu tut adyhrała i prapahanda, i časy kiravańnia KPSS. Apuściŭšy słova «kamunistyčny», my zdymiem adzin z barjeraŭ dla ŭstupleńnie ŭ našuju partyju novych ludziej», — kaža S.Kalakin.
Razam z tym, lider PKB padkreślivaje, što
źmiena nazvy nie aznačaje adchileńnie ad raniejšych pazicyj i pohladaŭ arhanizacyi.Samomu Kalakinu najbolš padabajecca varyjant — Partyja «Spraviadlivy śviet».
Taksama budzie abmierkavańnie pytańnie davieru da kiraŭnictva partyi i asabista da Siarhieja Kalakina.
«Šerah siabroŭ partyi ličyć nieefiektyŭnaj tuju palityku, jakoje pravodzić kiraŭnictva PKB u cełym i Siarhiej Kalakin u pryvatnaści. Tamu my ličym łahičnym, što budzie pastaŭlenaje pytańnie ab davieru siońniašniamu kiraŭnictvu. Kali votum davieru nie budzie akazany, to treba budzie pravodzić vybary novaha staršyni. Sprečki ŭnutry partyi — heta narmalnaja źjava, jakaja jość u luboj palityčnaj sile. Tolki na mohiłkach isnuje adzinstva dumak.
Nie dumaju, što moža dajści da niejkaha raskołu partyi, ale nie vyklučaju, što častka ludziej moža vyjści», — kaža S.Kalakin.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8383
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu83
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary