Trochrazovaja alimpijskaja čempijonka z Rasii Anfisa Razcova raspaviała, jak pierad Alimpijadaj-1988 u Kałhary jaje prymušali zrabić abort, piša sports.ru.
— Haspodź daŭ mnie čatyroch dačok, niahledziačy na toje, što da rodaŭ ja zrabiła abort. Mianie prymusili, bo krainie patrebnyja byli miedali.
— Jak heta naohuł vyrašajecca i adbyvajecca?
— Vyklikajuć u alimpijski kamitet… Z samaha pačatku. U 1985-m vyjšła zamuž (za bijatłanista i treniera Leanida Razcova), śpiecyjalna raźličvała naradzić u 86-m — kali niama ni ČS, ni Alimpijady. My vielmi chacieli, ale nie atrymlivałasia.
Červień 87-ha, my pryjechali na zbor u Otepia (Estonija). U nas ź Lenkaj Vialbie zatrymka — akazvajecca, my zaciažaryli razam. Ja pryjšła da Łapuchova (treniera zbornaj), jon adpraviŭ u Tartu na rovary — 40 km, treniroŭka nie admianiajecca.
Tam paćvierdzili ciažarnaść. Lena maładziejšaja za mianie, tady była jašče ŭ junijorach, i joj dazvolili naradžać: jaje Francyk na hod starejšy za maju Dašu (Virałajnien). Mianie ž adpravili z Estonii ciahnikom u Maskvu, u dyspansier da hiniekołaha.
«Jana ciažarnaja, ale nam patrebnyja miedali — jana nie pavinna naradžać», — heta išło ad trenieraŭ. U Maskvie sustreŭ dyspansierski mikraaŭtobus z čyrvonym kryžam.
— Vy ŭžo zdahadvalisia, što naradžać vam nie daduć?
— Ni ŭ jakim vypadku nie viedała i nie zdahadvałasia. Mianie pryvieźli ŭ naš dyspansier na Kurskuju. Hiniekołah skazała: abmiarkoŭvajcie z mužam. Pryjšła da jaho. Jon: jak ty vyrašyš, tak i budzie.
Ale što značyć, ja vyrašu? Siamja ž adna. Ja vyrašu, a ty potym budzieš žyć z maim miedalom, ale bieź dziaciej? Pierad ikonaj kažu — tak i było. Kali ŭ nas nie atrymlivałasia zavieści dzicia, ja na jaho vinu nie ŭskładała. Ale kali jon mnie skazaŭ: jak ty vyrašyš… Adkaznaść na siabie nie ŭziaŭ.
Rašeńnie prymała ja, pryjšła ŭ Sportkamitet: zhodnaja na abort, ale dajcie na kvateru — my žyviom u baćkoŭ. Nam dali dvušku tut, u Chimkach, jašče da Alimpijady. A potym Haspodź padaryŭ mnie čatyroch vydatnych dačok, — skazała Razcova.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9
Kamientary