Biełaruski PEN-centar i Radyjo Svaboda paviedamili pra źmieny ŭ prysudžeńni premii imia Franciška Alachnoviča za litaraturnyja tvory, stvoranyja na padstavie asabistaha turemnaha dośviedu.
«Pavažanyja siabry,
Sioletni hod, na žal, stvaraje nadzvyčajnyja pieradumovy dla źjaŭleńnia litaratury, jakaja hruntujecca na asabistym aŭtarskim dośviedzie isnavańnia ŭ źniavoleńni. Zasnavalniki litaraturnaj premii imia Franciška Alachnoviča, jakoj sioleta spaŭniajecca 10 hadoŭ, ad pačatku spadziavalisia, što ź ciaham času jana stanie niepatrebnaj. Ale palityčnyja represii i viaźni sumleńnia zastajucca vyznačalnaj charaktarystykaj Biełarusi ŭ 2020 hodzie, i turemnyja tvory ŭ prozie i vieršach praciahvajuć naradžacca, pisacca, źjaŭlacca na śviet.
Biełaruski PEN i Radyjo Svaboda pastanavili pieranieści prysudžeńnie premii imia Franciška Alachnoviča na nastupny hod, kab bolš poŭna vyjavić zdabytki i tvorčy patencyjał aŭtaraŭ — mahčymych pretendentaŭ na ŭznaharodu.
Taksama vyznačana novaja data abviaščeńnia laŭreataŭ — 15 listapada, suśvietny Dzień źniavolenaha piśmieńnika, jaki ad 1981 hodu adznačaje Mižnarodny PEN.
Takim čynam, novy tvorčy peryjad dla pretendentaŭ achoplivaje čas ad studzienia 2020 da kastryčnika 2021. Adpaviednyja abviestki buduć zrobleny ŭ kastryčniku nastupnaha hodu».
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary